გულმოდგინედ მსახურობ?
1 „მოციქულთა საქმეებში“ მოთხრობილია, რომ იესოს მოწაფეებმა ხალხებს საფუძვლიანად დაუმოწმეს და წარმატებით გაართვეს თავი მსახურებას (საქ. 2:40; 8:25; 28:23). უდავოდ, მოციქულ პავლეს მიზანიც ეს იყო (საქ. 20:24). ნუთუ შენ, როგორც სასიხარულო ცნობის მაუწყებელს, იგივე მიზანი არა გაქვს? როგორ შეგიძლია ამ მიზნის მიღწევა?
2 მოამზადე შეთავაზებები. ეფექტურად ქადაგებისთვის მომზადება ერთობ მნიშვნელოვანია. ეს განსაკუთრებით ჟურნალების შეთავაზებას ეხება, რადგან ძირითადი სასაუბრო საკითხები ყოველთვის სხვადასხვაა. უკეთესად რომ მოვემზადოთ, „ჩვენი სამეფო მსახურების“ ამ ნომრის მარცხენა სვეტში მოცემულია ახალი სანიმუშო შეთავაზებები „საგუშაგო კოშკისა“ და „გამოიღვიძეთ!“-ის მიმდინარე ნომრების გასავრცელებლად. ყოველ ნომერში მოცემული იქნება ის დროული თემები, რომლებიც მრავალი ადამიანის ყურადღებას მიიპყრობს. როგორ შეგიძლია ამ მოკლე შეთავაზებების დახვეწა?
3 შეარჩიე შეთავაზება, რომელიც, შენი აზრით, ყველაზე ეფექტური იქნება შენს ტერიტორიაზე. გულდასმით წაიკითხე შესაბამისი სტატია და ყურადღება გაამახვილე იმ განსაკუთრებულ აზრებზე, რომლებიც შეიძლება საინტერესო იყოს მოსაუბრისთვის. მოძებნე ჟურნალში მოცემული ის ბიბლიური მუხლები, რომლებიც სასაუბრო თემას უკავშირდება და შეიძლება, რომ მობინადრეს წაუკითხო. მოკლე დასკვნით წაახალისე მსმენელი, რომ წაიკითხოს ჟურნალი და, სადაც მიზანშეწონილი იქნება, მოიხსენიე შესაწირავები, რომლის გაღებაც მობინადრეს შეუძლია იეჰოვას მოწმეთა მსოფლიო საქმიანობისთვის. ახლა კი გაივარჯიშე, თუ როგორ გააკეთებდი ამ შეთავაზებას.
4 გამოიყენე ბიბლია. თუ კარგად დავგეგმავთ, ხშირად შეგვიძლია ჩვენს შეთავაზებებში ბიბლიური მუხლები ჩავრთოთ. მაგალითად, გამოცდილი მაუწყებლები ბევრგან წარმატებით მსახურობენ, როცა ბიბლია უჭირავთ ხელში კართან მისვლისა და მობინადრესთან მისალმების დროს და ეუბნებიან:
◼ „გვაინტერესებს გწამთ თუ არა, რასაც დაბადების 1:1-ში ვკითხულობთ: ეთანხებით ამ მტკიცებას? თუ ადამიანი დაეთანხმება, უთხარი: მეც იგივე აზრის ვარ. როგორ ფიქრობთ, თუ ღმერთმა შექმნა ყოველივე, თავადვე არის პასუხისმგებელი ბოროტებაზე?“. პასუხის შემდეგ წაიკითხე ეკლესიასტეს 7:29. „შემეცნება“ გადაშალე 71-ე გვერდზე და წაიკითხე მე-2 აბზაცი. წაახალისე მოსაუბრე წიგნის წასაკითხად. თუ მობინადრე არ ეთანხმება იმას, რაც დაბადების 1:1-ში წერია, შესთავაზე, რომ გამოიკვლიოს წიგნი „შემოქმედი“.
5 შეინარჩუნე ინტერესი. ვერ შეძლებ მსახურებას, თუ ინტერესს არ შეინარჩუნებ მათ მიმართ, ვინც დააინტერესე. სასიამოვნო საუბრის შემდეგ ჩაიწერე მისი სახელი, გვარი და მისამართი, მიუხედავად იმისა, ჟურნალები დაუტოვე თუ სხვა ლიტერატურა. რაც შეიძლება მალე მიაკითხე და ამგვარად ეცადე, განუვითარო ინტერესი. უეჭველად შესთავაზე ბიბლიის შესწავლა.
6 პირველ საუკუნეში მოწაფეებს ახსოვდათ იესოს მითითება ‘საფუძვლიან დამოწმებასთან’ დაკავშირებით (საქ. 10:42, აქ). ეს მითითება ჩვენც გვეხება და ეს ერთადერთი საშუალებაა, რომლითაც შეგვიძლია მოწაფეების მომზადება (მათ. 28:19, 20). დაე, ჩვენი შესაძლებლობებიდან გამომდინარე, ძალ-ღონე არ დავიშუროთ გულმოდგინედ მსახურებისათვის (2 ტიმ. 4:5).