სამეფო დარბაზების მშენებლობის საერთაშორისო პროგრამა ევროპის ზოგიერთ ქვეყანაში

¹ ბოლო ათწლეულების განმავლობაში ევროპის ზოგ ქვეყანაში, მათ შორის აღმოსავლეთ ევროპის ქვეყნებში, იეჰოვას მოწმეების საქმიანობა შეზღუდული იყო. ხშირ შემთხვევაში, შეზღუდვები საკმაოდ მკაცრი იყო. ძნელი იყო კრების შეხვედრების საჯაროდ ჩატარება, ხოლო სამეფო დარბაზების გამოყენება — თითქმის შეუძლებელი. ამ ბოლო წლებში კი „დიადი საქმე მოიმოქმედა უფალმა ჩვენთან, ჩვენ გავმხიარულდით“ (ფსალმ. 125:3).

² იეჰოვას მოწმეებზე კონტროლის შესუსტება1983 წლიდან დაიწყო. 1989 წელს იეჰოვას მოწმეებმა უნგრეთსა და პოლონეთში კანონიერი აღიარება მოიპოვეს, 1991 წელს კი რეგისტრირებულ იქნენ რუსეთში. მას შემდეგ, იეჰოვას მოწმეთა საქმიანობას წარმატება მოჰყვა რუსეთსა და ყოფილი საბჭოთა კავშირის სხვა ქვეყნებში. 1996 წლის მარტიდან 1998 წლის ოქტომბრის ჩათვლით ხელმძღვანელმა საბჭომ მისცა ნებართვა ევროპის 11 ქვეყანაში 359 სამეფო დარბაზის ასაშენებლდ საჭირო სესხის გასაცემად.

³ ამ დანართში მოცემული სურათების დათვალიერებისას დაფიქრდი, რა დიდებული და სასწაულებრივი საქმეები გააკეთა იეჰოვამ თავისი ხალხისთვის (ფსალმ. 135:4). ალბათ, ძალიან გაგახარებს იმის გაგება, რომ მსოფლიო საძმოს საქმიანობის მხარდამჭერი ნებაყოფლობითი შესაწირავები ასე შესანიშნავად გამოიყენება. ეს ირეკლავს იესოს სიტყვებს, რომლებიც ჩაწერილია იოანეს 13:35–ში: „ჩემი მოწაფეები რომ ხართ, იმით გაიგებენ ყველანი, თუ სიყვარული გექნებათ ურთიერთს შორის“.

⁴ ევროპის ქვეყნებს შორის, რომელთაც დახმარება ეწევათ სამეფო დარბაზების მშენებლობაში, არის რუმინეთიც, სადაც 2000 წლის ივლისის ჩათვლით 36 სამეფო დარბაზი აშენდა. უკრაინაში თითქმის ყველა სამეფო დარბაზის ასაშენებლად გამოყენებულ იქნა სტანდარტული პროექტი, რისი წყალობითაც 2001 წლის განმავლობაში აშენდა 61 დარბაზი, 2002 წელს კი კიდევ 76 დარბაზი. სამეფო დარბაზების ფონდისთვის შეწირული ფულადი სახსრების საშუალებით ასობით სამეფო დარბაზი აშენდა ბულგარეთში, მაკედონიაში, მოლდოვაში, რუსეთში, სერბია-ჩერნოგორიასა და ხორვატიაში.

⁵ იურიდიული სირთულეების გამო ზოგიერთ ქვეყანაში არ არის ადვილი სამეფო დარბაზების აშენება. დიდი ძალისხმევაა საჭირო ჯერ კიდევ უშუალოდ მშენებლობის დაწყებამდე. ხშირად მშენებლობისთვის მზადებას დიდი დრო მიაქვს. ამასთანავე, სამეფო დარბაზების მშენებლობა ევროპის ზოგიერთ ქვეყანაში გაცილებით ძვირი ჯდება, ვიდრე აფრიკის ან სამხრეთ ამერიკის მრავალ ქვეყანაში. იმის გამო, რომ იეჰოვას თაყვანისმცემელთა რაოდენობა იზრდება, ასობით სამეფო დარბაზის აშენებაა საჭირო ევროპის იმ ქვეყნებში, სადაც ეკონომიკურად რთული მდგომარეობაა.

⁶ სასიამოვნოა იმის დანახვა, რომ სულ უფრო და უფრო მეტი სამეფო დარბაზი შენდება! ეს კარგი დამოწმებაა მეზობლებისთვის, როგორც ამას ბევრი შემთხვევა გვიჩვენებს. ზოგან ხელისუფლების ადგილობრივ წარმომადგენლებზე დიდი შთაბეჭდილება მოახდინა იმან, რომ ძმები მზადყოფნით მიჰყვებოდნენ სამშენებლო ნორმებს.

⁷ ღმერთმა ესაიას მეშვეობით ზუსტად იწინასწარმეტყველა ჭეშმარიტ თაყვანისმცემელთა რიცხვის ზრდა, რომელიც ჩვენ თვალწინ ხდება: „მე, უფალი, თავის დროზე დავაჩქარებ ამას“ (ეს. 60:22). ნამდვილად, ბოლო ათწლეულში იეჰოვამ თავის დროზე დააჩქარა ეს საქმე აღმოსავლეთ ევროპაში. მრავალ ქვეყანაში სამეფო დარბაზების მშენებლობის დაჩქარებით, დაე კვლავაც აკურთხოს იეჰოვამ სამეფო დარბაზების მხარდასაჭერად გაწეული თქვენი მცდელობები! ამის შედეგად გაცილებით მეტი სამეფო დარბაზი აშენდება შეზღუდული სახსრების მქონე ქვეყნებში. ეს ხელს შეუწყობს წმინდა თაყვანისმცემლობის გავრცელებას ევროპის მრავალ ნაწილში და დიდებულ დამოწმებას „ქვეყნის კიდემდე“ (საქ. 13:47).

[სურათი 3 გვერდზე]

სამეფო დარბაზების კომპლექსი მოსკოვი, რუსეთი

[სურათი 4 გვერდზე]

ახალი სამეფო დარბაზები აღმოსავლეთ ევროპის ქვეყნებში

[სურათი 4 გვერდზე]

სტრუმიცა, მაკედონია

[სურათი 4 გვერდზე]

დარუვარი, ხორვატია

[სურათი 4 გვერდზე]

სოკალი, ლვოვის ოლქი, უკრაინა

[სურათი 4 გვერდზე]

ბიტოლა, მაკედონია

[სურათი 5 გვერდზე]

მლადოსტი, ბულგარეთი

[სურათი 5 გვერდზე]

პლოვდივი, ბულგარეთი

[სურათი 5 გვერდზე]

კრასნოოქტიაბრსკი, მაიკოპის რაიონი, რუსეთი

[სურათი 5 გვერდზე]

ბაჩკა პეტროვაცი, სერბია-ჩერნოგორია

[სურათი 6 გვერდზე]

ტლუმაჩი, ივანო-ფრანკოვსკის ოლქი, უკრაინა

[სურათი 6 გვერდზე]

რავა-რუსკაია, ლვოვის ოლქი, უკრაინა

[სურათი 6 გვერდზე]

სტარა-პაზოვა, სერბია-ჩერნოგორია

[სურათი 6 გვერდზე]

ზენიცა, ბოსნია-ჰერცოგოვინა

[სურათი 6 გვერდზე]

სოკალი, ლვოვის ოლქი, უკრაინა

[სურათი 6 გვერდზე]

ჟიდაჩოვი, ლვოვის ოლქი, უკრაინა