განცხადებები

◼ გასავრცელებელი ლიტერატურა აგვისტოში: ნებისმიერი ქვემოთ ჩამოთვლილი 32-გვერდიანი ბროშურებიდან: „მარადიულად იხარე სიცოცხლით დედამიწაზე!“, „მთავრობა, რომელიც დაამყარებს სამოთხეს“, „ნამდვილად ზრუნავს თუ არა ღმერთი ჩვენზე?“, „ნახე! მე ვქმნი ყოველივე ახალს“, „რა არის სიცოცხლის აზრი — როგორ შეგიძლია მისი პოვნა?“, „როდესაც გიკვდება საყვარელი ადამიანი. . .“ და „უნდა გწამდეს სამება?“ სადაც მართებულია, შეგიძლიათ შესთავაზოთ ბროშურა „წიგნი ყველასათვის“. სექტემბერში: „არსებობს მზრუნველი შემოქმედი?“ ოქტომბერში: ჟურნალები „საგუშაგო კოშკი“ და „გამოიღვიძეთ!“ იქ, სადაც ინტერესი იყო გამოვლენილი, შეგვიძლია შევთავაზოთ ბროშურა „რას მოითხოვს“ და შევეცადოთ ბიბლიის შესწავლის დაწყებას. ნოემბერში: წიგნი „შემეცნება“ ან ბროშურა „რას მოითხოვს“. თუ მობინადრეს უკვე აქვს ეს პუბლიკაციები, შესთავაზეთ „თაყვანი ეცი ღმერთს“ ან ნებისმიერი ძველი პუბლიკაცია.

◼ 2003 წლის 20 ოქტომბრით დაწყებული კვირიდან წიგნის შესწავლებზე განვიხილავთ წიგნს „თაყვანი ეცი ერთადერთ ჭეშმარიტ ღმერთს“.

◼ თავმჯდომარე ზედამხედველმა ან მის მიერ დანიშნულმა ძმამ უნდა შეამოწმოს კრების საფინანსო ანგარიშები 1 სექტემბერს ან ამ თარიღიდან რაც შეიძლება მალე. მორიგი საფინანსო ანგარიშის წაკითხვის შემდეგ კრებაში განცხადება უნდა გაკეთდეს ჩატარებული შემოწმების შესახებ.

◼ ლიტერატურისა და ჟურნალების წლიური აღწერა ყველა კრებაში უნდა ჩატარდეს 2003 წლის 31 აგვისტოსათვის ან რაც შეიძლება მალე ამ თარიღის შემდეგ. ეს ისევე უნდა გაკეთდეს, როგორც ლიტერატურაზე პასუხისმგებელი ყოველთვიურად აწარმოებს არსებული ლიტერატურის ინვენტარიზაციას; საერთო ჯამი კი შეტანილ უნდა იქნეს ლიტერატურის ინვენტარიზაციის ბლანკში (S-18). ჟურნალების საერთო რაოდენობის გაგება შეიძლება ჟურნალებზე პასუხისმგებელი ძმისგან (ძმებისგან). ინვენტარიზაციას ზედამხედველობა უნდა გაუწიოს ლიტერატურაზე პასუხისმგებელი კრების მდივანმა. ის და ამავე კრების თავმჯდომარე ზედამხედველი მოაწერენ ხელს ბლანკს. ყოველი კრება მიიღებს ლიტერატურის ინვენტარიზაციის სამ ბლანკს (S–18). გთხოვთ, ორიგინალი გაუგზავნოთ საზოგადოების ოფისს არა უგვიანეს 6 სექტემბრისა. ბლანკის მეორე ეგზემპლარი არქივში შეინახეთ, მესამე კი შეგიძლიათ სამუშაო ფურცლად გამოიყენოთ.

◼ მოხარულები ვართ გაცნობოთ, რომ 2003 წლის 1 ივნისს, კვირას, სანქტ–პეტერბურგში შედგა მსახურებაში დახელოვნების სკოლის მე–18 კლასის გამოშვება, რომელსაც 299 დაძმა ესწრებოდა. 24–მა სტუდენტმა დაამთავრა სწავლა და მზად არიან მიღებული ცოდნის გამოსაყენებლად. 6 ძმა დაინიშნა სპეციალურ პიონერად. დანარჩენები დაუბრუნდნენ თავიანთ კრებებს. ყველა კურსდამთავრებულს ვუსურვებთ იეჰოვას კურთხევებს (იგავ. 10:22).

◼ მოხარულები ვართ გაცნობოთ, რომ 2003 წლის 17 მაისს ჩატარდა რუსეთის ფილიალის ახალი შენობების მიძღვნა. მიძღვნის პროგრამას, რომელიც ჩატარდა სოლნეჩნოეში, ესწრებოდა 978 და–ძმა. მათგან ბევრი, ვინც ამ განსაკუთრებულ შეხვედრაზე იყო მოწვეული, დიდი ხნის განმავლობაში ერთგულად ემსახურება იეჰოვას. მიძღვნის მოხსენებით „ამ სახლს დიდებით ავავსებ“ გამოვიდა ხელმძღვანელი საბჭოს წევრი ძმა დეივიდ სპლეინი. კვირას, 18 მაისს კიროვის სახელობის სტადიონზე ჩატარდა სპეციალური შეხვედრა მიძღვნასთან დაკავშირებით. პროგრამას, რომელშიც შედიოდა ძმა სპლეინის მოხსენებაც, სათაურით „ღირს თუ არა საულის საჭურვლის ჩაცმა?“, ესწრებოდა 9 817 ადამიანი.

◼ „ღმერთმა აკურთხა თავისი ხალხი“. მოხარულები ვართ იმ კარგი შედეგებით, რომლებიც მიღწეული იყო საქართველოში 2003 წლის აპრილში (გამოცხ. 2:19). ამ თვეში საქართველოში გულმოდგინედ იქადაგა 15 062-მა მაუწყებელმა, რაც 4 პროცენტით მეტია, ვიდრე მაუწყებლების საშუალო რიცხვი გასულ სამსახურებრივ წელს. აპრილში 1 533 მაუწყებელი პიონერად მსახურობდა, 1 619 კი — დამხმარე პიონერად. ამ თვეში იყო განმეორებითი მონახულებების უმაღლესი რიცხვი — 94 125. ღვთის ხალხი ნამდვილად მზად აღმოჩნდა იეჰოვას ‘გალაშქრების ჟამისთვის’ (ფს. 109: 3). სულ 7 991 ბიბლიის საშინაო შესწავლა ტარდებოდა, რაც 7 პროცენტით მეტია, ვიდრე გასული წლის აპრილში. ეს ნიშნავს, რომ არის კარგი შესაძლებლობა შემდგომი ზრდისთვის. იეჰოვამ უხვად აკურთხა თავისი ხალხის გულმოდგინე მსახურება (2 ნეშტ. 31:10).