განცხადებები

◼ გასავრცელებელი ლიტერატურა იანვარში: კრების მარაგში არსებული ნებისმიერი 192-გვერდიანი წიგნი. თებერვალში: „დაუახლოვდი იეჰოვას“. თუ ეს პუბლიკაცია არ გაქვთ, შეგიძლიათ გამოიყენოთ წიგნი „შემოქმედი“. მარტში: „მარადიულ სიცოცხლემდე მიმყვანი შემეცნება“. განსაკუთრებით უნდა ვეცადოთ ბიბლიის შესწავლების დაწყებას. თუ მობინადრეს უკვე აქვს ეს პუბლიკაცია, შეგიძლიათ შესთავაზოთ „ყურად იღეთ დანიელის წინასწარმეტყველება!“ აპრილში: ჟურნალები „საგუშაგო კოშკი“ და „გამოიღვიძეთ!“ როდესაც განმეორებით ინახულებთ ისეთ ადამიანებს, რომლებიც ესწრებოდნენ გახსენების საღამოს ან სხვა თეოკრატიულ ღონისძიებებს, მაგრამ არ აქვთ რეგულარული კავშირი კრებასთან, შეეცადეთ შესთავაზოთ წიგნი „თაყვანი ეცი ღმერთს“. შეეცადეთ ბიბლიის შესწავლების დაწყებას, განსაკუთრებით მათთან, ვინც უკვე შეისწავლა წიგნი „შემეცნება“ ან ბროშურა „რას მოითხოვს“.

◼ 2004 წლის 15 მარტით დაწყებული კვირიდან კრების წიგნის შესწავლებზე განვიხილავთ წიგნს „დაუახლოვდი იეჰოვას“.

◼ დაწყებული თებერვლიდან, და არა უგვიანეს 7 მარტისა, სარაიონო ზედამხედველები გამოვლენ ახალი საჯარო მოხსენებით „ვის ნორმებს აფასებ?“

◼ კრებებმა სათანადო ორგანიზება უნდა გაუწიონ გახსენების საღამოს, რომელიც ჩატარდება კვირას, 4 აპრილს, მზის ჩასვლის შემდეგ. თუმცა მოხსენება შეიძლება უფრო ადრე დაიწყოს, გახსენების საღამოს სიმბოლოები არ უნდა ჩამოტარდეს მზის ჩასვლამდე. ადგილობრივი წყაროებიდან დაადგინეთ, როდის ჩადის მზე თქვენს მხარეში. ამ დღეს, სამქადაგებლო შეხვედრების გარდა, არ უნდა ჩატარდეს სხვა შეხვედრები, ამიტომ საჭირო იქნება „საგუშაგო კოშკის“ შესწავლის გადატანა სხვა დღეს. სარაიონო ზედამხედველებს ამ კვირისთვის დასჭირდებათ შეხვედრების გეგმის შეცვლა ადგილობრივი სიტუაციის მიხედვით. თუმცა სასურველია, რომ ყველა კრებამ თვითონ ჩაატაროს გახსენების საღამო, ეს ყოველთვის არაა შესაძლებელი. სადაც რამდენიმე კრება ერთ სამეფო დარბაზს იყენებს, შესაძლოა, მათგან ერთმა ან მეტმა კრებამ ამ საღამოსთვის სხვა შენობა გამოიყენოს. თუ შესაძლებელია, კარგი იქნებოდა, პროგრამებს შორის მინიმუმ 40-წუთიანი შუალედი მაინც დაგეტოვებინათ, რომ ყველამ სრული სარგებლობა მიიღოს. ყურადღება უნდა მიექცეს აგრეთვე ტრანსპორტის მოძრაობასა და სადგომზე დაყენებას, მათ შორის მგზავრების ჩასხმა-ჩამოსხმას. უხუცესთა საბჭომ უნდა გადაწყვიტოს, ადგილობრივად რის გაკეთება იქნებოდა საუკეთესო.