სამსახურებრივი შეხვედრის გეგმა

12 იანვრით დაწყებული კვირა

სიმღერა 224

10 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“. მე-4 გვერდზე მოცემული რჩევების გამოყენებით წარმოადგინე ინსცენირება, თუ როგორ შევთავაზოთ კრების ტერიტორიაზე 15 დეკემბრის „საგუშაგო კოშკი“. მაუწყებელი აძლევს ორ ჟურნალს, მიუხედავად იმისა, რომ სთავაზობს ერთს. ინსცენირების შემდეგ ხაზი გაუსვი შეთავაზების რამდენიმე მნიშვნელოვან მხარეს.

15 წთ.: „ღვთიური სიბრძნე აღმატებულია“a. თუ დრო საშუალებას გაძლევს, მსმენელებს სთხოვე, მითითებულ ბიბლიურ მუხლებს კომენტარი გაუკეთონ.

20 წთ.: ახალი პუბლიკაციები, რომლებიც სიხარულით მივიღეთ! აუდიტორიასთან განხილვა. ძალიან გაგვახარა, როდესაც საოლქო კონგრესზე, სახელწოდებით „დიდება მივაგოთ ღმერთს“, გამოცხადდა ორი ახალი პუბლიკაციის გამოცემის შესახებ. ბროშურა „ეწვიეთ მადლიან ქვეყანას“ განსხვავდება ჩვენი სხვა პუბლიკაციებისგან. აქამდე მსგავსი არაფერი გვქონია. ყოველ გვერდზე გაშუქებულია აღთქმულ მიწასთან დაკავშირებული სხვადასხვა მხარეები. აღნიშნე სხვადასხვა რუკის რამდენიმე საინტერესო დეტალი. ურჩიე, თუ როგორ შეგვიძლია პუბლიკაციის გამოყენება. წიგნი „ისწავლე დიდებული მასწავლებლისგან“ ჩვენი შვილების სულიერ კეთილდღეობას მოემსახურება. მოიხსენიე რამდენიმე დროული საკითხი წიგნიდან და აჩვენე, რით არის სასარგებლო ეს მშობლებისა და ბავშვებისთვის. სთხოვე მსმენელებს, მოყვნენ, თუ როგორ იყენებენ ამ ახალ პუბლიკაციებს.

სიმღერა 186 და ლოცვა.

19 იანვრით დაწყებული კვირა

სიმღერა 95

5 წთ.: ადგილობრივი განცხადებები.

10 წთ.: შეკითხვების ყუთი. უხუცესის მოხსენება.

15 წთ.: ადგილობრივი მოთხოვნილებები.

15 წთ.: „როგორ დავეხმაროთ მეუღლეებს, რომლებიც არ იზიარებენ ჩვენს რწმენას?“b. აიღე ინტერვიუ ერთი ან ორი მაუწყებლისგან, რომლებიც მეუღლის კარგი მაგალითის წყალობით იეჰოვას მსახურები გახდნენ.

სიმღერა 73 და ლოცვა.

26 იანვრით დაწყებული კვირა

სიმღერა 158

12 წთ.: ადგილობრივი განცხადებები. საფინანსო ანგარიში. შეახსენე მაუწყებლებს, ჩააბარონ იანვრის სამქადაგებლო მსახურების ანგარიში. მე-4 გვერდზე მოცემული რჩევების გამოყენებით წარმოადგინე ინსცენირებები, თუ როგორ შევთავაზოთ 1 იანვრის „საგუშაგო კოშკი“ და 8 იანვრის „გამოიღვიძეთ!“ ორივე შემთხვევაში მაუწყებელი აძლევს ორ ჟურნალს, მიუხედავად იმისა, რომ სთავაზობს ერთს. ერთ-ერთ ინსცენირებაში აჩვენე, თუ როგორ შეგვიძლია შევთავაზოთ ჟურნალები მეზობელს.

15 წთ.: ყოველდღიურად გამოიყენე ღვთის სიტყვა ცხოვრებაში. მოხსენება და აუდიტორიასთან განხილვა. წაახალისე ყველა, რომ საუკეთესოდ გამოიყენონ ბროშურა „საღვთო წერილის ყოველდღიური განხილვა“ (2004). განიხილე მე-3 და მე-4 გვერდებზე მოცემული წინასიტყვაობა. სთხოვე მსმენელებს მოყვნენ, პირადად რა დროს თვლიან საუკეთესოდ ყოველდღიური მუხლის განსახილველად. კრებასთან ერთად განიხილე ამ დღის მუხლი და კომენტარი, და მსმენელებს სთხოვე გამოთქვან აზრი, თუ როგორ შეიძლება ამ ინფორმაციის გამოყენება პრაქტიკაში. ყველა წაახალისე, რომ ყოველდღე გამონახონ დრო იმაზე დასაფიქრებლად, თუ როგორ შეიძლება განხილული მუხლის ცხოვრებაში გამოყენება.

18 წთ.: დაუმეგობრდი თანამორწმუნეებს (იგავ. 18:24; 27:9). მოხსენება და აუდიტორიასთან განხილვა, რომელიც დაფუძნებული იქნება 2000 წლის 1 დეკემბრის „საგუშაგო კოშკზე“, გვ. 22, 23. ჭეშმარიტი თაყვანისმცემლობა ნამდვილი მეგობრების ყოლის საუკეთესო შესაძლებლობას გვაძლევს. კრებაზე, სამქადაგებლო მსახურებაში თუ სხვადასხვა გარემოებაში ურთიერთობა ძალიან გამამხნევებელია. როგორ უნდა განვავითაროთ მეგობრული ურთიერთობა სხვებთან კრებაში? განიხილე ჩარჩო „ხანგრძლივი მეგობრობისკენ გადადგმული ექვსი ნაბიჯი“ და სთხოვე მსმენელებს კომენტარი, თუ როგორ შეიძლება თითოეული ნაბიჯის გამოყენება და-ძმებთან ურთიერთობისას.

სიმღერა 177 და ლოცვა.

2 თებერვლით დაწყებული კვირა

სიმღერა 204

10 წთ.: ადგილობრივი განცხადებები. მოიხსენიე თებარვალში გასავრცელებელი ლიტერატურა. 2003 წლის იანვრის „ჩვენი სამეფო მსახურებიდან“ (გვ. 7) გაიმეორე რჩევები, თუ როგორ შევთავაზოთ წიგნი „დაუახლოვდი იეჰოვას“

20 წთ.: „დაუკვირდი, როგორ იყენებ დროს“c. სთხოვე მსმენელებს გამოთქვან აზრი, თუ რას აკეთებენ იმისათვის, რომ უმნიშვნელო საქმეებმა ხელი არ შეუშალოთ სულიერ საქმიანობაში.

15 წთ.: მიბაძე პავლეს, როგორც ის ბაძავდა ქრისტეს (1 კორ. 11:1). აუდიტორიასთან განხილვა. იესოს მსგავსად, პავლეც იყენებდა იმის შესაძლებლობას, რომ ექადაგა ყველასთვის, „ვინც შეხვდებოდა“ (საქ. 17:17, სსგ). რა შესაძლებლობები გაქვს, რომ მსგავსად მოვიქცეთ ჩვენს ტერიტორიაზე? ვის ვხვდებით, როდესაც საყიდლებზე მივდივართ, სამსახურში ან სკოლაში ვართ, ანდა ტრანსპორტით ვმგზავრობთ? ვისთან შეგვიძლია საუბარი, როდესაც სახლში ვართ? სთხოვე მსმენელებს მოყვნენ შემთხვევები, როდესაც უქადაგეს მათ, რომლებსაც შეხვდნენ ყოველდღიური საქმეების კეთებისას.

სიმღერა 151 და ლოცვა

[სქოლიო]