შეინახეთ
შეთავაზებები სამქადაგებლო მსახურებისთვის
შემდეგი რჩევები დაგეხმარებათ ყოველთვე ლიტერატურის გასავრცელებლად შეთავაზებების მომზადებაში
დაუახლოვდი იეჰოვას
„ბევრს, ვისაც ღმერთი სწამს, სურს, რომ მასთან ახლო ურთიერთობა ჰქონდეს. იცოდით, რომ ღმერთი თავისთან დასაახლოებლად გვიწვევს? [წაიკითხე იაკობის 4:8]. ეს პუბლიკაცია იმისთვის არის განკუთვნილი, რომ დაეხმაროს ადამიანებს, ბიბლიის მეშვეობით დაუახლოვდნენ ღმერთს“. წაიკითხე მე–16 გვერდის პირველი აბზაცი.
„დღეს უსამართლობა ფართოდ არის გავრცელებული. ამ მუხლში ზუსტად ამის შესახებ არის საუბარი [წაიკითხე ეკლესიასტეს 8:9ბ]. ბევრი ფიქრობს, რომ ღმერთს საერთოდ არ ადარდებს ეს. [წაიკითხე მე–4 აბზაცის პირველი ორი წინადადება 119–ე გვერდზე]. ეს თავი გვიხსნის, თუ რატომ უშვებს ღმერთი დროებით უსამართლობას“.
არსებობს მზრუნველი შემოქმედი?
„სად შეგვიძლია საუკეთესო რჩევების მიღება, რაც დაგვეხმარება ურთულეს პრობლემებთან გასამკლავებლად? [გიპასუხოს. შემდეგ წაიკითხე მათეს 7:28, 29]. აქ აღწერილია, თუ როგორ გამოეხმაურა ხალხი იესოს მთაზე ქადაგებას. ყურადღება მიაქციეთ, დღეს რას ფიქრობენ ზოგიერთები. [წაიკითხე 152–ე გვერდზე მოცემული კომენტარები]. ამ თავში საუბარია იესოს ცხოვრებისა და მისი სწავლებების შესახებ“.
«ალბათ, გიკითხავთ საკუთარი თავისთვის: „თუ ღმერთი არსებობს, მოსპობს ოდესმე ტანჯვასა და უსამართლობას დედამიწაზე?“ [გიპასუხოს. შემდეგ წაიკითხე გამოცხადების 21:3, 4]. ამ წიგნში ახსნილია, თუ რას გააკეთებს ღმერთი ტანჯვის ერთხელ და სამუდამოდ მოსასპობად». უჩვენე მე–10 თავი.
იფხიზლეთ!
„ბევრი შეწუხებულია დღეს არსებული სერიოზული პრობლემებითა და შემაშფოთებელი მოვლენებით. [მოიყვანე ყველასთვის ცნობილი შემთხვევა]. იცოდით, რომ ასეთი მოვლენები იმ გლობალური ნიშნის ნაწილია, რომელიც მიგვანიშნებს, რომ მალე დედამიწის საქმეებში ღვთის სამეფო ჩაერევა? [გიპასუხოს. შემდეგ წაიკითხე შესაბამისი ბიბლიური მუხლი, მაგალითად მათეს 24:3, 7, 8; ლუკას 21:7, 10, 11 ან 2 ტიმოთეს 3:1—5]. ამ ბროშურაში საუბარია, რატომ არის გადაუდებელი სიფხიზლე განსაკუთრებით დღეს, ამ მნიშვნელოვანი მოვლენების შესრულების დროს“.
„დღეს ბევრი დამწუხრებულია შემაშფოთებელი მოვლენების ან საყვარელი ადამიანის სიკვდილის გამო. ბევრს უკვირს, რატომ არაფერს აკეთებს ღმერთი მდგომარეობის გამოსასწორებლად. ბიბლია გვარწმუნებს, რომ ღმერთი მალე შეუმსუბუქებს ტანჯვას ადამიანებს [წაიკითხე გამოცხადების 14:6, 7]. ყურადღება მიაქციეთ, რას ნიშნავს ღვთის სასამართლო ადამიანებისთვის [წაიკითხე 2 პეტრეს 3:10, 13]. ეს ბროშურა ამ მნიშვნელოვან საკითხთან დაკავშირებით უფრო მეტ ინფორმაციას მოგაწვდით“.
მარადიულ სიცოცხლემდე მიმყვანი შემეცნება
„რას იტყოდით, ასეთ შესანიშნავ გარემოში საცხოვრებლად რომ მიეწვიეთ ვინმეს? [აჩვენე მე—4-5 გვერდებზე მოცემული სურათი და ადროვე გიპასუხოს]. ყურადღება მიაქციეთ, ღვთის სიტყვის თანახმად, რა არის საჭირო იმისათვის, რომ მარადიულად დავტკბეთ ასეთი ცხოვრებით. [წაიკითხე იოანეს 17:3]. ეს წიგნი დაგეხმარებათ მარადიულ სიცოცხლემდე მიმყვანი შემეცნების მიღებაში“. შემდეგი მონახულებისას განიხილე პირველი ხუთი აბზაცი პირველი თავიდან.
გადაშალე წიგნი 188—189–ე გვერდებზე და მობინადრეს დაუსვი ამ ილუსტრაციაზე მოცემული შეკითხვა: „იმედოვნებთ თუ არა, რომ იცხოვრებთ სამოთხეში, როდესაც ღვთის შემეცნებით აივსება დედამიწა? [გიპასუხოს. შემდეგ წაიკითხე ესაიას 11:9]. ამ წიგნიდან გაიგებთ, რას ამბობს ბიბლია სამოთხისა და იმის შესახებ, თუ რა უნდა გავაკეთოთ, იქ რომ ვიცხოვროთ“. განმეორებითი მონახულებისას განიხილე პირველი თავის მე–11—16 აბზაცები.
ისწავლე დიდებული მასწავლებლისგან
„როგორ ფიქრობთ, იქნებოდა დედამიწაზე უკეთესი პირობები, ამ სიტყვების თანახმად რომ გვეცხოვრა? [წაუკითხე მათეს 7:12ა. გიპასუხოს]. ამ წიგნში ბევრი გაკვეთილია შესული, რომლებსაც გვასწავლის ოდესმე მცხოვრებთაგან უდიდესი მასწავლებელი“. ყურადღება გაამახვილე მე–17 თავში მოცემულ სურათებსა და შეკითხვებზე.
„ბევრი მშობელი ცდილობს, შვილებს სასარგებლო ფასეულობები ჩაუნერგოს. გრძნობთ, რომ ეს მნიშვნელოვანია? [გიპასუხოს. შემდეგ წაიკითხე იგავების 22:6]. ყურადღება მიაქციეთ, რომ მშობლებს მოუწოდებენ, შვილების აღზრდა პატარაობიდანვე დაიწყონ. ამაში მათ ეს წიგნი დაეხმარება“. ყურადღება მიაქციე მე–15 ან მე–18 თავებში მოცემულ სურათებსა და მათთან დასმულ კითხვებს.
„ხშირად მშობლებს აოცებთ შვილების შეკითხვები. ზოგჯერ ისინი ისეთ შეკითხვებს სვამენ, რომ ძნელია პასუხის გაცემა. მეთანხმებით? [გიპასუხოს. შემდეგ წაუკითხე ეფესოელების 6:4]. ეს წიგნი მშობლებს დაეხმარება შვილების კითხვებზე პასუხის გაცემაში“. ისაუბრე მე–11 და მე–12 თავებზე ან 34–დან 36–ე თავებამდე მოცემულ ზოგიერთ სურათსა და კითხვაზე.
სიცოცხლე — როგორ წარმოიშვა ის? ევოლუციის გზით თუ შემოქმედებით?
„ყველა შეწუხებულია ჩვენს მხარეში გავრცელებული დამნაშავეობითა და ძალადობით. როგორ ფიქრობთ, შეუძლია ვინმეს ამ პრობლემის გადაჭრა? [გიპასუხოს]. ამ პრობლემის მოგვარება ღმერთს შეუძლია“. გადაშალე წიგნი 196–ე გვერდზე; წაიკითხე იგავების 2:21, 22 და განიხილე მე–19 აბზაცი. უჩვენე მე–16 თავის სათაური და შესთავაზე წიგნი.
გადაშალე წიგნი მე–6 გვერდზე და უთხარი: „ბევრი ფიქრობს, რომ ჩვენი ლამაზი დედამიწა და სიცოცხლე შემთხვევით გაჩნდა. თქვენი აზრით, როგორ გაჩნდა ეს ყოველივე? [გიპასუხოს]. უამრავი მტკიცება ადასტურებს ბიბლიის ჩანაწერების უტყუარობას შემოქმედის არსებობასთან დაკავშირებით. ის უდიდეს ძალას ფლობს და მას ძალიან ვუყვარვართ. ის ჭეშმარიტი ღმერთია და მას იეჰოვა ჰქვია“. წაიკითხე გამოცხადების 4:11 და მოკლედ ახსენი ღვთის განზრახვა დედამიწის სამოთხედ გადაქცევასთან დაკავშირებით.
გამოცხადება — მისი გრანდიოზული აპოგეა ახლოსაა!
„ალბათ, გაიგეთ . . . [მოიხსენიე ახალი ამბავი]. როდესაც ტრაგიკული შემთხვევები ხდება, ბევრს აინტერესებს, როგორ შეიძლება იმ ოჯახების ნუგეშისცემა, ვისაც საყვარელი ადამიანი დაეღუპა. თქვენ რას ფიქრობთ?“ [გიპასუხოს]. შემდეგ გადაშალე წიგნი 299–ე გვერდზე და აჩვენე მასზე გამოსახული აღდგომის სურათი. საუბარი შემდეგი სიტყვებით განაგრძე: „ბევრს უკვირს იმის გაგება, რომ დედამიწაზე სამოთხეში აღდგებიან მართლებიც და არა მართლებიც. [გადაშალე 297–ე გვერდზე და წაიკითხე მე–9 აბზაცში მითითებული საქმეების 24:15 და ახსენი მე–10 აბზაცის საფუძველზე]. ეს წიგნი ხსნის ღვთის განზრახვასთან დაკავშირებულ ბევრ სხვა საინტერესო დეტალს“.
ბიბლია — ღვთის სიტყვაა თუ ადამიანის?
„ჩვენ იმ პერიოდში გვიწევს ცხოვრება, როდესაც თითქმის ყველა სერიოზულ პრობლემებს ვხვდებით. ბევრი ხელმძღვანელობისთვის არაერთ მრჩეველს მიმართავს, ზოგი მკითხავებთან დადის. თქვენი აზრით, სად შეიძლება გონივრული რჩევების მიღება, რომლებიც ნამდვილად დამხმარე იქნება? [გიპასუხოს]. ბიბლია ხაზს უსვამს ერთ მნიშვნელოვან ფაქტს, რაც ყველას უნდა გვესმოდეს. [წაიკითხე 2 ტიმოთეს 3:16. შემდეგ გადაშალე წიგნი 187–ე გვერდზე და განიხილე მე–9 აბზაცი]. ამ წიგნის მეშვეობით გაიგებთ, რა საუკეთესო შედეგები მოაქვს ცხოვრებაში ბიბლიის სწავლებების გამოყენებას“.
ოდესმე მცხოვრებთაგან ყველაზე დიდებული ადამიანი
„შობის პერიოდში ბევრი ფიქრობს იესო ქრისტეზე. მიუხედავად ამისა, მსოფლიოში იმდენად ცუდი ამბები ხდება, რომ ბევრს აინტერესებს, საერთოდ თუ ზრუნავს იესო ჩვენზე. თქვენ რას ფიქრობთ?“ [გიპასუხოს]. გადაშალე წიგნი 24–ე თავზე და მოკლედ განიხილე იესოს დედამიწაზე მოსვლის მიზეზი. შემდეგ წაიკითხე იოანეს 15:13 და ხაზი გაუსვი იესოს გულწრფელ სიყვარულს ადამიანებისადმი.
„იესო ქრისტეზე საუბრისას ბევრი მას ან ჩვილად წარმოიდგენს ან სასიკვდილოდ განწირულ ადამიანად. მათი წარმოდგენა იესოს შესახებ მხოლოდ მისი დაბადებითა და სიკვდილით შემოიფარგლება. მისი განსაცვიფრებელი სწავლებები და სიცოცხლის განმავლობაში მომხდარი საქმეები კი მათთვის შეუმჩნეველი რჩება. ის, რაც მან გააკეთა, გავლენას ახდენს ნებისმიერ დროში მცხოვრებ ყველა ადამიანზე. ამიტომ მნიშვნელოვანია, რაც შეიძლება მეტი გავიგოთ ჩვენს საკეთილდღეოდ გაკეთებული მისი დიდებული საქმეების შესახებ“. წაიკითხე იოანეს 17:3. გადაშალე წიგნი შესავალი სიტყვების პირველ გვერდზე და წაიკითხე მეოთხე აბზაცი.
რას მოითხოვს ღმერთი ჩვენგან?
„თქვენი აზრით, უნდოდა ღმერთს, რომ დღევანდელი პრობლემებით აღსავსე ქვეყნიერებაში გვეცხოვრა? [გიპასუხოს. შემდეგ წაიკითხე მათეს 6:10]. გიფიქრიათ, რა არის ღვთის სამეფო?“ გადაშალე ბროშურა მე–6 გაკვეთილზე და წაიკითხე დასაწყისში მოცემული კითხვები. დაიწყე გაკვეთილის განხილვა ან ეს შემდგომი მონახულებისას გააკეთე.
„კაცობრიობის მიღწევების მიუხედავად, ავადმყოფობასა და სიკვდილს კვლავაც დიდი ტანჯვა და მწუხარება მოაქვს ადამიანებისთვის. იცით, რა ზომებს მიიღებს იესო ავადმყოფობის, სიბერისა და თვით სიკვდილის წინააღმდეგ? გიპასუხოს. თუ პიროვნებას სურს პასუხის გაგება, გადაშალე ბროშურა მე–5 გაკვეთილზე და წაიკითხე მე–5—6 აბზაცებთან დასმული კითხვები და განიხილე აბზაცები ან ეს შემდგომი მონახულებისას გააკეთე.
თაყვანი ეცი ერთადერთ ჭეშმარიტ ღმერთს
„თქვენი აზრით, სად შეგვიძლია ვეძებოთ დახმარება დღევანდელ პრობლემებთან გასამკლავებლად? [გიპასუხოს. შემდეგ წაიკითხე რომაელების 15:4]. ყურადღება მიაქციეთ, რომ განსაცდელების გადასატანად ღვთის შთაგონებული წერილები გვაძლევს მითითებას, ნუგეშსა და იმედს. ეს წიგნი გვთავაზობს სასარგებლო რჩევებს იმასთან დაკავშირებით, თუ როგორ მივიღოთ მაქსიმალური სარგებლობა ბიბლიის კითხვის შედეგად“. მიმოიხილე 30–ე გვერდზე მოცემული 4 ძირითადი აზრი.
„იესოს დედამიწაზე ყოფნის დროიდან მოყოლებული დღემდე ბევრი ლოცულობს ღვთის სასუფევლის ანუ სამეფოს მოსვლაზე. გიფიქრიათ ოდესმე, რას მოუტანს ღვთის სამეფო კაცობრიობას? [გიპასუხოს. შემდეგ წაიკითხე დანიელის 2:44]. ამ წიგნში ახსნილია, რას ნიშნავს ღვთის სამეფო და რას გააკეთებს ის კაცობრიობისთვის. მასში აგრეთვე განხილულია ის საკითხი, თუ ჩვენ რა კურთხევებს მივიღებთ ამ სამეფოს სამართლიანი მმართველობისას“. აჩვენე 92—93–ე გვერდებზე მოცემული სურათი.