შეკითხვების ყუთი

◼ გონივრულია თუ არა, რომ გასავრცელებელ ლიტერატურას თან დავურთოთ ელექტრონული ფოსტის პირადი მისამართი?

ზოგი მაუწყებელი გასავრცელებელ ჟურნალებსა და ტრაქტატებს ზედ პირადი ელექტრონული ფოსტის დაბეჭდილ მისამართს აკრავს. მათ, ვინც ამ ლიტერატურას იღებს, შემდეგ შესაძლებლობა აქვთ, რომ დამატებითი ინფორმაციისთვის მაუწყებლებს დაუკავშირდნენ. გასაგებია, რომ მაუწყებლების ასეთი ძალისხმევა, დაეხმარონ დაინტერესებულებს, კარგი აღძვრებიდან მომდინარეობს. მაგრამ, ჩვენი ორგანიზაციის ოფიციალური ვებ-გვერდი უკვე მოცემულია ჟურნალებისა და ტრაქტატების ბოლო გვერდზე. ამიტომ, უკეთესი იქნებოდა, თუ პირადი ელექტრონული ფოსტის მისამართს ლიტერატურას თან არ დავურთავდით.

მისცემს თუ არა მაუწყებელი თავის სამქადაგებლო უბანზე მცხოვრებ ადამიანებს ცალკე ფურცელზე დაწერილ საკონტაქტო მისამართს, განსაკუთრებით განმეორებითი მონახულების დროს, ეს მისი პირადი გადასაწყვეტია. ინიციატივა ჩვენ თვითონ უნდა გამოვავლინოთ და მივაკითხოთ დაინტერესებულებს ნაცვლად იმისა, რომ უბრალოდ ჩვენი საკონტაქტო მისამართი დავუტოვოთ, რათა თვითონ დაგვიკავშირდნენ მეტი ინფორმაციის მისაღებად. ადამიანის გულწრფელი ინტერესი შეიძლება მაშინ უფრო გამოვლინდეს, როცა მას პირისპირ ველაპარაკებით.