გთხოვთ, მალევე მიაკითხოთ

ვის მივაკითხოთ მალევე? მათ, ვინც ლიტერატურა მოითხოვა, ვისაც სურს რეგულარულად მიიღოს ჩვენი ჟურნალები ან ვისაც უნდა, რომ მოწმეებმა მიაკითხონ სახლში. როგორ კეთდება ასეთი მოთხოვნა? დაინტერესებული პირები უკავშირდებიან ფილიალს წერილის, ტელეფონის ან ინტერნეტის ვებ-საიტის საშუალებით. ასეთ შემთხვევებში, ფილიალი იწერს მონაცემებს და ადგილობრივ კრებას უგზავნის ბლანკს S-70 „გთხოვთ იზრუნოთ, რომ შესაფერისმა მაუწყებელმა მიაკითხოს ამ ადამიანს“ (რუს.). როდესაც უხუცესები იღებენ ბლანკს S-70, მათ მაშინვე უნდა გადასცენ ის მაუწყებელს, რომელიც დროულად მოინახულებს დაინტერესებულს. თუ დაინტერესებული სახლში არ ხვდება მაუწყებელს, მას შეუძლია დაუკავშირდეს ტელეფონით ან ბარათი დაუტოვოს სხვებისთვის შეუმჩნეველ ადგილზე. თუ შენ გთხოვეს ამგვარი მონახულების გაკეთება, მთელი ძალისხმევა მოახმარე, რომ დაინტერესებულ ადამიანს მალევე მიაკითხო.