მზად არიან თქვენი შვილები?

1. რატომ არის აუცილებელი, რომ სკოლის მოსწავლეები მოემზადონ ახალი სასწავლო წლისთვის?

¹ მალე დაიწყება ახალი სასწავლო წელი. ეჭვგარეშეა, თქვენი შვილები შეხვდებიან განსაცდელებსა და ზეწოლას. მათ აგრეთვე მიეცემათ ახალი შესაძლებლობები, დაამოწმონ ჭეშმარიტების შესახებ (იოან. 18:37). მზად არიან ისინი ამისთვის?

2. იმისათვის რომ მზად იყვნენ, რა უნდა იცოდნენ თქვენმა შვილებმა?

² კარგად ესმით თქვენს შვილებს, რა შედის ეროვნულ ცერემონიალებსა თუ წარმართულ დღესასწაულებში და რატომ არის მათში მონაწილეობა არასწორი? მზად არიან გაუძლონ ზეწოლას, როცა სთავაზობენ უმაღლესი განათლების მიღებას, პაემნებზე სიარულს და ალკოჰოლისა თუ ნარკოტიკების მიღებას? ბავშვები მხოლოდ იმას იტყოდნენ, რომ ამას მათი რელიგია კრძალავს თუ შეუძლიათ ახსნან თავიანთი მრწამსის საფუძველზე, რატომ არის ეს მიუღებელი? (1 პეტ. 3:15).

3. როგორ შეუძლიათ მშობლებს ოჯახთან ერთად თაყვანისცემის საღამო გამოიყენონ შვილების მოსამზადებლად?

³ განიხილეთ ეს საკითხები ოჯახთან ერთად თაყვანისცემის საღამოზე: რა თქმა უნდა, სასწავლო წლის განმავლობაში აუცილებლობის შემთხვევაში განიხილავთ ამ საკითხებს, მაგრამ სწავლის დაწყებამდე ამ საკითხებზე მსჯელობა თქვენს შვილებს მეტ დაჯერებულობას შესძენს. კარგი იქნება, თუ ოჯახთან ერთად თაყვანისცემის ერთ ან მეტ საღამოს დაუთმობდით ამ საკითხებს. ჰკითხეთ შვილს, მისი აზრით, რა სირთულეებს შეიძლება შეხვდეს სკოლაში, და ამაზე იმსჯელეთ ოჯახთან ერთად თაყვანისცემის საღამოზე. შეგიძლიათ გასულ წლებში განხილული საკითხები გაიმეოროთ, რადგან ბავშვები წამოიზარდნენ და მეტის გაგების უნარი აქვთ (ფსალმ. 119:95). შეგიძლიათ გაითამაშოთ სცენები, სადაც თქვენ მასწავლებლის ან თანაკლასელის როლში იქნებით. ასწავლეთ შვილებს, როგორ გამოიყენონ პასუხის გაცემისას ბიბლია და წიგნები „მსჯელობა“ და „ახალგაზრდების შეკითხვები“. ერთი მშობელი დგამდა სცენებს და ასეთი სახით ასწავლიდა შვილებს, სასწავლო წლის დასაწყისში როგორ მისულიყვნენ ახალ მასწავლებლებთან და ეთქვათ, რომ იეჰოვას მოწმეები იყვნენ (იხილეთ 2010 წლის 15 დეკემბრის „საგუშაგო კოშკი“, გვერდები 3—5).

4. რას გააკეთებენ გონიერი მშობლები?

⁴ სირთულეები, რომლებსაც ქრისტიანი ახალგაზრდები ამ ბოლო დღეებში ხვდებიან, უფრო და უფრო „ძნელად ასატანი“ ხდება (2 ტიმ. 3:1). გონიერი მშობლები ცდილობენ წინასწარ განჭვრიტონ ეს სირთულეები (იგავ. 22:3). ყველაფერი გააკეთეთ იმისათვის, რომ დაეხმაროთ შვილებს, მომზადებული შეხვდნენ ახალ სასწავლო წელს.