ნუ ფიქრობ, რომ ვერ შეძლებ — დაძლიე არასრულფასოვნების გრძნობა
1. რატომ იკავებს ბევრი თავს ბიბლიის შესწავლის შეთავაზებისგან?
1 იკავებ თავს ბიბლიის შესწავლის შეთავაზებისგან იმის გამო, რომ არ ხარ დარწმუნებული საკუთარ შესაძლებლობებში? ღვთის მსახურები, მაგალითად, მოსე და იერემია, დროდადრო ფიქრობდნენ, რომ თავს ვერ გაართმევდნენ დაკისრებულ დავალებებს (გამ. 3:10, 11; 4:10; იერ. 1:4—6). მსგავსი გრძნობები დღეს ბევრს ეუფლება. როგორ შეიძლება მათი დაძლევა?
2. რატომ არ უნდა დავკმაყოფილდეთ მხოლოდ კარდაკარ მსახურებით და ვიფიქროთ, რომ ბიბლიის შესწავლებს სხვები ჩაატარებენ?
2 უნდა გვახსოვდეს, რომ იეჰოვა არასდროს გვთხოვს იმაზე მეტს, ვიდრე შეგვიძლია (ფსალმ. 103:14). ჩვენი დავალება — „მოწაფეების მომზადება“ და „მათთვის სწავლება“ — არის ის, რის გაკეთებაც შეგვიძლია (მათ. 28:19, 20). ეს პატივი იეჰოვას არ მიუცია მხოლოდ ყველაზე გამოცდილი ან უნარიანი მქადაგებლებისთვის (1 კორ. 1:26, 27). მაშასადამე, არ უნდა დავკმაყოფილდეთ მხოლოდ კარდაკარ მსახურებით და არ უნდა ვიფიქროთ, რომ ბიბლიის შესწავლებს სხვები ჩაატარებენ.
3. როგორ გვხდის იეჰოვა გამოსადეგს ბიბლიის შესწავლების ჩასატარებლად?
3 იეჰოვა გვხდის გამოსადეგს. იეჰოვა გვეხმარება, რომ გამოსადეგი გავხდეთ მოწაფეების მომზადების საქმეში (2 კორ. 3:5). თავისი ორგანიზაციის მეშვეობით ის გვასწავლის ბიბლიურ ჭეშმარიტებას, რაც ქვეყნიერებაში ყველაზე განათლებულმა ადამიანებმაც კი არ იციან (1 კორ. 2:7, 8). მან ბიბლიის მეშვეობით შემოგვინახა დიდებული მასწავლებლის, იესოს, სწავლების მეთოდები, რათა მივბაძოთ მას. ღმერთი დღეს კრებების მეშვეობითაც გვასწავლის. გარდა ამისა, იეჰოვამ მოგვცა ბიბლიის შესწავლის ჩასატარებლად საჭირო სახელმძღვანელოები, მაგალითად, წიგნი „რას გვასწავლის ბიბლია?“. ამ წიგნში ჭეშმარიტება ლოგიკურადაა ჩამოყალიბებული და ადვილი გასაგებია. ბიბლიის შესწავლის ჩატარება შეიძლება უფრო ადვილი იყოს, ვიდრე ჩვენ წარმოგვიდგენია.
4. რატომ უნდა გვჯეროდეს, რომ იეჰოვა დაგვეხმარება?
4 მოსემ და იერემიამ შეძლეს თავიანთი დავალებების შესრულება იეჰოვას დახმარებით (გამ. 4:11, 12; იერ. 1:7, 8). ჩვენც შეგვიძლია იეჰოვას დახმარება ვთხოვოთ. გარდა ამისა, როცა ბიბლიის შესწავლას ვატარებთ, ჩვენ ადამიანებს იეჰოვას შესახებ ჭეშმარიტებას ვასწავლით, რომელიც მოსაწონია ღვთისთვის (1 იოან. 3:22). ამიტომ მიზნად დაისახე, ჩაატარო ბიბლიის შესწავლა, რაც მსახურების ყველაზე სასიამოვნო და კურთხევების მომტანი სფეროა.