შენ შეგიძლია იყო მასწავლებელი!
1. რა განსაკუთრებული შესაძლებლობა გვაქვს თითოეულ ჩვენგანს?
1 მსახურებაში ერთ-ერთი ყველაზე დიდი სიხარულის მომტანი არის ის, როცა სხვებს ჭეშმარიტებას ვასწავლით. ძალიან გვიხარია და დიდ კმაყოფილებას ვგრძნობთ, როდესაც დაინტერესებულს სამყაროს უზენაეს მმართველთან დაახლოებაში ვეხმარებით (იაკ. 4:8). თითოეული ჩვენგანის მიზანი უნდა იყოს, რომ ჭეშმარიტებას მოწყურებულ ადამიანს ღვთის სიტყვა ვასწავლოთ. გარდა ამისა, უნდა დავეხმაროთ მათ, რომ განავითარონ ღვთისმოსაწონი აზროვნება და თვისებები, და მიატოვონ არასწორი ჩვევები (მათ. 28:19, 20).
2. რატომ შეიძლება ზოგმა თავი შეიკავოს ბიბლიის შესწავლის ჩატარებისგან და რა დაეხმარება მათ ამ მხრივ?
2 მიენდე იეჰოვას: ძველ დროს ღვთის ზოგი ერთგული მსახური ფიქრობდა, რომ იეჰოვას მიერ დაკისრებულ დავალებას ვერ შეასრულებდა. იეჰოვაზე მინდობით მოსეს, იერემიას, ამოსსა და სხვა უბრალო ადამიანებს გაუქარწყლდათ ასეთი ეჭვები და მათ შეძლეს, რომ პირნათლად შეესრულებინათ თავიანთი პასუხისმგებლობები (გამ. 4:10—12; იერ. 1:6, 7; ამოს. 7:14, 15). პავლე მოციქულმაც ‘გაბედულება მოიკრიბა’. მან თქვა, რომ ეს „ჩვენი ღვთის დახმარებით“ შეძლო (1 თეს. 2:2). თითოეულ ჩვენგანს შეგვიძლია დარწმუნებული ვიყოთ, რომ იეჰოვა მოგვცემს საჭირო სიბრძნესა და ძალას, და ყოველმხრივ დაგვეხმარება, ჩავატაროთ ბიბლიის ნაყოფიერი შესწავლები (ეს. 41:10; 1 კორ. 1:26, 27; 1 პეტ. 4:11).
3, 4. რა გვეხმარება, რომ ღვთის სიტყვა დახელოვნებულად ვასწავლოთ?
3 განისწავლე იეჰოვასგან: ჩვენი დიდებული მოძღვარი, იეჰოვა ღმერთი, ბიბლიაზე დაფუძნებული პროგრამის საშუალებით რეგულარულად გვასწავლის, რომ დახელოვნებული მასწავლებლები ვიყოთ (ეს. 54:13; 2 ტიმ. 3:16, 17). სრულად ისარგებლე იეჰოვასგან მომდინარე სწავლებით, რათა გაიღრმავო ბიბლიური ცოდნა და გაიუმჯობესო ჭეშმარიტების სწავლების უნარი. მართალია, ამ მიზანს ძირითადად „თეოკრატიული მსახურების სკოლა“ და „სამსახურებრივი შეხვედრა“ ემსახურება, მაგრამ კრების სხვა შეხვედრებიც გვეხმარება, რომ გავიწაფოთ ღვთის სიტყვის სწავლებაში.
4 შეეცადე, რომ ღრმა ბიბლიური საკითხებიც კი მარტივი ენით ასწავლო. „თეოკრატიული მსახურების სკოლის“ წიგნში 227-ე გვერდზე შემდეგი რამ არის ნათქვამი: „თუ გინდა, რომ სხვებმა კარგად გაიგონ შენ მიერ განხილული საკითხი, პირველ რიგში, თავად უნდა ერკვეოდე მასში“. კრების შეხვედრებზე კომენტარების გაკეთება გვეხმარება, რომ მთავარი აზრები დავიმახსოვროთ და შემდეგ მსახურებაში გამოვიყენოთ. ასე რომ, კარგი მომზადება უფრო მეტად დაგარწმუნებს, რომ შეგიძლია სხვებს ასწავლო.
5. კიდევ რა დაგვეხმარება, რომ გავუმჯობესდეთ სწავლების საქმეში?
5 იმ დროიდან მოყოლებული, რაც ქრისტიანმა მსახურებმა მოწაფეების მომზადების საქმე დაიწყეს, ისინი ერთმანეთისგან უდავოდ ბევრ რამეს სწავლობენ (ლუკ. 10:1). რამდენადაც შესაძლებელია, ბიბლიის შესწავლებზე გაჰყევი გამოცდილ მაუწყებლებს, მათ შორის, პიონერებს, უხუცესებსა და მიმომსვლელ ზედამხედველებს. ყურადღება მიაქციე, როგორ იყენებენ ისინი შესასწავლ პუბლიკაციაში დაბეჭდილ მაგალითებს ან სწავლებაში დამხმარე სხვა საშუალებებს, რომლებითაც მარტივად ხსნიან ბიბლიურ სწავლებებს. ჰკითხე მათ, რა დაგეხმარება, რომ დახელოვნებული მასწავლებელი გახდე (იგავ. 1:5; 27:17). მადლიერი იყავი იმ დახმარებისთვის, რომლებსაც და-ძმებისგან იღებ, რადგან ასეთი სახით სწავლება, ფაქტობრივად, იეჰოვასგან მომდინარეობს (2 კორ. 3:5).
6. რა არის ყველაზე მნიშვნელოვანი, რომ ღვთის სიტყვის მასწავლებელი გახდე?
6 მიენდე იეჰოვას და გამოიყენე ყველა ის საშუალება, რითაც ის გასწავლის. ილოცე, რომ დახელოვნებული მასწავლებელი გახდე (ფსალმ. 25:4, 5). შენც შეგიძლია განიცადო სიხარული, როცა დაეხმარები სხვას, შენ მსგავსად, ღვთის სიტყვის მასწავლებელი გახდეს.