შემოქმედი ზრუნავს ჩვენზე

1. ამოჰყავს მზე

წარმოგიდგენიათ სიცოცხლე მზის სინათლის გარეშე? რომ არა მზე, ვერც ხეები შეიფოთლებოდა, ვერც მცენარეები აღმოცენდებოდა და ვერც მრავალფეროვანი საკვები გვექნებოდა. სწორედ მზის ენერგიის წყალობით ამოტუმბავს ნიადაგიდან ხის ფესვები წყალს, რომელიც ფოთლებისკენ გადაადგილდება და ჰაერში ორთქლად იქცევა.

2. გვაძლევს წვიმას

წვიმა ხელსაყრელ პირობებს უქმნის ჩვენს პლანეტას, საკვებით რომ მოგვამარაგოს. როგორც ბიბლიიდან ვიგებთ, ღმერთი გვაძლევს „წვიმას ციდან და მოსავლიან დროებს, საზრდოთი და სიხარულით . . . [გვივსებს] გულებს“.

3. უზრუნველგვყოფს საკვებითა და ტანსაცმლით

მოსიყვარულე მამა ყველაფერს აკეთებს, რომ ოჯახის გამოკვებასა და ჩაცმაზე იზრუნოს. ჩვენი ზეციერი მამაც მსგავსად ზრუნავს თავის ქმნილებებზე. ყურადღება მიაქციეთ, რას ვკითხულობთ ბიბლიაში: „დააკვირდით ცის ფრინველებს: ისინი არც თესავენ, არც მკიან, არც ბეღლებში აგროვებენ, მაგრამ თქვენი ზეციერი მამა კვებავს მათ. განა თქვენ მათზე ძვირფასნი არა ხართ?“ (მათე 6:25, 26).

„ისწავლეთ მინდვრის შროშანებისგან, როგორ იზრდებიან . . . გეუბნებით: დიდებული [მეფე] სოლომონიც კი არ შემოსილა ისე, როგორც ერთი ამათგანი. თუკი ღმერთი ასე მოსავს მინდვრის ბალახს . . . თქვენ უფრო მეტად არ შეგმოსავთ?“ (მათე 6:28—30).

თუკი ღმერთი ჩვენს გამოკვებასა და ჩაცმაზე ზრუნავს, განა სხვა მხრივაც არ იზრუნებს?! თუ ჩვენთვის უმთავრესი ღვთის ნების შესრულება იქნება, მისი წყალობით საზრდოც გვექნება და საარსებოდ ყოველივე აუცილებელიც (მათე 6:32, 33).

როცა მზეს, წვიმას, ფრინველებსა თუ მცენარეებს ვაკვირდებით, შემოქმედისადმი სიყვარულით განვიმსჭვალებით. შემდეგ სტატიაში ვისაუბრებთ, როგორ გაგვიმჟღავნა შემოქმედმა თავისი დანაპირები.