რატომ მატულობს მსოფლიოში დანაშაული?

ჰაიტიზე კრიმინალური დაჯგუფებები ყოველდღიურად ძალადობენ ადამიანებზე. სამხრეთ აფრიკასა და მექსიკაში, აგრეთვე სხვა ლათინურ-ამერიკულ ქვეყნებში ძალადობრივი დანაშაული დღითი დღე მატულობს. იმ ქვეყნებშიც კი, სადაც კრიმინალის დონემ შედარებით იკლო, ხალხი თავს მაინც დაუცველად გრძნობს, რადგან მათ ქვეყანაში დანაშაულებრივი ქმედებების სრულად აღმოფხვრა ვერ ხერხდება.

რას ამბობს ბიბლია მსოფლიოში გავრცელებულ უკანონობაზე?

ბიბლიური წინასწარმეტყველება

ბიბლიური წინასწარმეტყველების თანახმად, დამნაშავეობის ზრდა იმის ნიშანი იქნებოდა, რომ „ქვეყნიერების ბოლო დადგა“ (მათე 24:3). ამ საკითხზე საუბრისას იესო ქრისტემ თქვა:

• „უკანონობის გამრავლების გამო უმეტესობას სიყვარული გაუნელდება“ (მათე 24:12).

ბიბლიაში აგრეთვე ნაწინასწარმეტყველებია, რომ „ბოლო დღეებში“ ადამიანები იქნებოდნენ „თავშეუკავებლები, სასტიკები [და] კარგის მოძულეები“ (2 ტიმოთე 3:1–5). სწორედ ასეთი ადამიანების გამო ხდება დღეს ამდენი დანაშაული.

ამ ყველაფრის მიუხედავად, არსებობს იმედის საფუძველიც. ბიბლია გვპირდება, რომ მალე უკანონობას ბოლო მოეღება.

• „ცოტაც და აღარ იქნება ბოროტი; დააკვირდები მის ადგილს და აღარ იქნება იგი. თვინიერნი დაიმკვიდრებენ დედამიწას და გაიხარებენ დიდი მშვიდობით“ (ფსალმუნი 37:10, 11).

გაიგეთ, როგორ სრულდება დღეს მიმდინარე მოვლენებით ბიბლიური წინასწარმეტყველება და რა დამაიმედებელ ცნობას გვაწვდის ბიბლია მომავალთან დაკავშირებით. გაეცანით სტატიებს:

„უკეთესი მომავლის რეალური იმედი“

„რა არის „ბოლო დღეების“ ნიშანი?“

„იწინასწარმეტყველა ბიბლიამ, თუ როგორ იაზროვნებდნენ და მოიქცეოდნენ ადამიანები დღეს?“