რომელი ქვეყანა იქნებოდა ეს?

განვითარებულ ქვეყნებში მცხოვრები ხალხი მექრთამეობას, კორუპციასა და სიღარიბეს, ჩვეულებრივ, აფრიკისა და ლათინური ამერიკის ქვეყნებისთვის დამახასიათებლად თვლის. ამიტომ, რომელ ქვეყანას ეკუთვნის მომდევნო ციტატა?

„მთავრობის წევრები იტყუებიან, კორუპციის გამო საქმოსნებს ციხეებში სვამენ, ადმინისტრაციული სამსახურის მუშაკებს მექრთამეობაზე იჭერენ, პოლიტიკა დისკრედიტირებულია და [პოლიტიკოსებს] ცუდი სახელის მქონე, სასმლით გამოთაყვანებულ და სექსს გამოდევნებულ ადამიანებად თვლიან. . . მთელ ქვეყანაში ქუჩაში გამვლელების ძარცვა კვლავ ხშირი მოვლენაა. . . ჩვეულ დანაშაულობას თან სდევს ინდუსტრიული, ფინანსური და სახელმწიფო მომსახურების სფეროში მექრთამეობის დიდი ტალღა. . . დღეს თერთმეტ მილიონ ადამიანს ცხოვრებაში პირველი საჭიროების სამი ან მეტი საგანი არა აქვს. . . და უკიდურეს სიღარიბეში მცხოვრებ ადამიანთა რიცხვი — რომლებსაც პირველი საჭიროების შვიდი ან მეტი საგანი არა აქვთ — 2,5 მილიონიდან 3,5-მდე გაიზარდა“ (ფილიპ ნაიტლი, The Australian Magazine).

სწორად გამოიცანი? ბრიტანეთია. მაგრამ ჩვენი დროისთვის, სამწუხაროდ, ზემოხსენებული შეიძლება, ათობით ქვეყნის მიმართ იყოს გამოყენებული. რა ძალიან გვჭირდება კარგი, პატიოსანი, სამართლიანი მმართველობა! დიახ, ჩვენ გვჭირდება ღვთის მმართველობა იმ სამეფოს საშუალებით, რომლის შესახებაც იესო ასწავლიდა თავის მიმდევრებს, ელოცათ: „მოვიდეს სუფევა შენი“ (მათე 6:10).