გაკვეთილი 16
მასალა სამქადაგებლო მსახურების შესაბამისია
1–3. რატომ არის კარგი, ვისწავლოთ ჩვენი მასალა შევუსაბამოთ სამქადაგებლო მსახურებას?
1 დღეს ჩვენი ქრისტიანული მსახურება უმეტესწილად შემოიფარგლება ღვთის სიტყვის ქადაგებითა და იმ ადამიანების სწავლებით, რომლებმაც ძალიან ცოტა იციან ბიბლიის შესახებ. ზოგ მათგანს არასოდეს ჰქონია ბიბლია; სხვებს უბრალოდ თაროზე აქვთ შემოდებული. ეს ნიშნავს რომ, თუ გვინდა ჩვენი ნათქვამიდან სრული სარგებლობა მიიღონ, საჭიროა ის მათ მდგომარეობას შევუსაბამოთ. ჩვენ ცნობა კი არ უნდა შევცვალოთ, არამედ ყოველი ღონე უნდა ვიხმაროთ, რათა ის გასაგები ენით გადავცეთ. ფაქტიურად, მასალის ამგვარად შეთანხმების საჭიროება იმის მაჩვენებელია, თუ რამდენად საფუძვლიანად გვესმის მოცემული საკითხი.
2 შეუსაბამებს ნიშნავს, ისე შეცვლის, რომ შეეფერებოდეს, უდგებოდეს ახალ სიტუაციას. ეს ნიშნავს, შეათავსო რამე საკუთარი თავის ან სხვის დასაკმაყოფილებლად. როცა განვიხილავთ საკითხს, თუ როგორ შევუსაბამოთ მასალა სამქადაგებლო მსახურებას, იქნება ეს სამქადაგებლო მსახურების თუ რომელიმე მოხსენების წარმოთქმის დროს, ყურადღება უნდა გავამახვილოთ, რომ ის მარტივი და გასაგები იყოს მსმენელისთვის, განსაკუთრებით კი იმ ახალდაინტერესებული პიროვნებებისთვის, რომლებსაც ახლახანს შევხვდით სამქადაგებლო მსახურებისას. ამიტომ სკოლაში ამ პუნქტზე მუშაობისას მსმენელს ყოველთვის ისე უნდა უყურებდე, როგორც კარდაკარ ქადაგებისას შემხვედრ პიროვნებებს.
3 ეს არ ნიშნავს, რომ ამ პუნქტზე მუშაობისას შენს მოხსენებას კარდაკარ მსახურების სახე უნდა ჰქონდეს. ყველა მოხსენება ისეთი უნდა იყოს, როგორიც მოცემულია სკოლის მიმდინარე მითითებების გეგმაში. ეს ნიშნავს, რომ მოხსენების ტიპის მიუხედავად, მტკიცებას ისე განავითარებ და ისეთ ენას გამოიყენებ, როგორსაც სამქადაგებლო მსახურებისას შემხვედრ პიროვნებებთან გამოიყენებდი. რადგან უმეტესწილად საუბარი სამქადაგებლო მსახურებისას გვიწევს, ეს უნდა დაგეხმაროს იმის გაცნობიერებაში, რომ საჭიროა უბრალო, იმ ხალხის დონისთვის გასაგებ ენაზე საუბარი, რომლებსაც სამქადაგებლო მსახურებისას ვხვდებით. ამისათვის შენ უკვე მოემზადე მე-2 გაკვეთილში. ახლა ეს საკითხი მისი განსაკუთრებული საჭიროებისა და მნიშვნელობის გამო ცალკე განიხილება.
4, 5. ახსენი, რატომ უნდა გავხადოთ ჩვენი გამოთქმები მსმენელისთვის გასაგები.
4 გამოთქმები მსმენელისთვის გასაგები ენით არის გადმოცემული. ამ პუნქტის აუცილებლობა ვლინდება იმ გამოთქმებით, რომლებსაც ზოგიერთი ძმა კარდაკარ მსახურებისას და ახალ შესწავლებზე იყენებს. საღვთო წერილის შესწავლამ ისეთი გამოთქმების მარაგი შეგვძინა, რომლებიც სხვებისთვის უცხოა. ჩვენ ვიყენებთ ისეთ გამოთქმებს, როგორიცაა: „დარჩენილი ნაწილი“, „სხვა ცხვრები“ და სხვა. თუ საუბრისას ამ გამოთქმებს ვიყენებთ, ისინი, ჩვეულებრივ, გაუგებარია მათთვის, ვისაც სამქადაგებლო მსახურებისას ვხვდებით. ისინი უნდა აიხსნას, რაც შესაძლებელია სინონიმების ან გასაგები გამოთქმების გამოყენებით. განმარტების გარეშე არც „არმაგედონის“ და არც „სამეფოს დამყარების“ ხსენება იქნება ნათლად გასაგები.
5 რჩევების მიმცემი გაითვალისწინებს ამ პუნქტს და საკუთარ თავს შეეკითხება, გაიგებდა თუ არა პიროვნება, რომელიც გაცნობილი არაა ბიბლიის ჭეშმარიტებას, ამ აზრს ან გამოთქმას? ეს არ ნიშნავს, რომ ის აუცილებლად აგიკრძალავს მსგავსი თეოკრატიული გამოთქმების გამოყენებას. ისინი ჩვენი სიტყვათა მარაგის ნაწილია და სურვილი გვაქვს, რომ ახალდაინტერესებულ პიროვნებებსაც გავაცნოთ. მაგრამ, თუ რომელიმე ამ გამოთქმას იყენებ, ის დააკვირდება ახსნილია თუ არა ის.
6–8. რატომ უნდა ვიყოთ ყურადღებით მოხსენების მომზადებისას შესაბამისი აზრების არჩევაში?
6 შერჩეულია სათანადო აზრები. სამქადაგებლო მსახურებისას წარმოსათქმელი აზრების შერჩევა ისევე სხვადასხვაგვარად შეიძლება, როგორც გამოთქმების, და დამოკიდებულია სიტუაციაზე. ამას ის განაპირობებს, რომ არსებობს საკითხები, რომლებზეც ახალდაინტერესებულ პიროვნებასთან არ უნდა ვისაუბროთ. მსგავს სიტუაციებში მასალის არჩევანი მთლიანად შენზეა დამოკიდებული. მაგრამ, როცა სკოლაში ღებულობ დავალებას, მასალა წინასწარ არის შენთვის შერჩეული. შენ შეგიძლია მხოლოდ დავალებაში მოცემული მასალის ფარგლებში გააკეთო არჩევანი. რა უნდა გააკეთო ამ შემთხვევაში?
7 პირველი, ვინაიდან მხოლოდ გარკვეული აზრების გამოყენება შეგიძლია, უნდა აირჩიო ისეთი პირობითი სიტუაცია, რომელიც სათანადო აზრების ამორჩევის უფრო მეტ შესაძლებლობას მოგცემს. რჩევების მიმცემი დაინტერესდება შენ მიერ ამორჩეული აზრებითა და იმით, თუ როგორ შეესაბამება ისინი პირობით სიტუაციას. ეს იმიტომ კეთდება, რომ მოცემული პუნქტის წარდგენისას აჩვენებ, რომ სამქადაგებლო მსახურების სხვადასხვა სფეროში საჭიროა სხვადასხვა მასალა. მაგალითად, შენ არ გამოიყენებდი ერთსა და იმავე მასალას კრების შეხვედრაზე ახალდაინტერესებული პიროვნების მიწვევისას და კარდაკარ მსახურებისას. ამიტომ შენს დავალებაში — მობინადრესთან საუბრის თუ სცენაზე მოხსენების წარმოთქმისას — შენი სიტყვებითა და დავალებაში მოცემული მასალიდან შერჩეული აზრებით აჩვენე, თუ რომელ კონკრეტულ აუდიტორიას მიმართავ.
8 რჩევების მიმცემი იმ მიზნით, რომ განსაზღვროს, არის თუ არა აზრები შესაფერისი, მხედველობაში მიიღებს შენი მოხსენების მიზანს. კარდაკარ მსახურებისას შენი მიზანია მობინადრეს ასწავლო და აღძრა უფრო მეტი შემეცნების მიღებისკენ. განმეორებითი მონახულებისას შენი მიზანია გააღვივო ინტერესი და, თუ შესაძლებელია, დაიწყო ბიბლიის საშინაო შესწავლა. თუ შეთავაზება შესწავლის შემდეგ ხდება, ამის მიზანია მობინადრე წაახალისო, დაესწროს კრების შეხვედრას ან მოუწოდო სამქადაგებლო მსახურებისკენ და ასე შემდეგ.
9, 10. როგორ შეგვიძლია განვსაზღვროთ არის თუ არა ჩვენ მიერ შერჩეული აზრები შესაბამისი?
9 რასაკვირველია, მსახურების ერთსა და იმავე სფეროშიც კი მსმენელის გათვალსიწინებით აზრები სხვადასხვაგვარად უნდა იქნეს შერჩეული. ამიტომ ესეც გასათვალისწინებელია. შენთვის დავალებად მოცემული მასალიდან ის აზრები, რომლებიც არ შეესაბამება მოხსენების მიზანს, არ უნდა შეიტანო მოხსენებაში.
10 ყოველივე ამის გათვალისწინებით, პირობითი სიტუაცია შერჩეული უნდა იყოს მოხსენების მომზადებამდე. შეეკითხე საკუთარ თავს: რა მიზნის მიღწევა მსურს? რა აზრებია საჭირო ამ მიზნის მისაღწევად და როგორ უნდა შეიცვალოს ისინი, რათა შეესაბამებოდეს იმ ვითარებებს, რომლებშიც ხდება მოხსენების წარმოთქმა? ამ საკითხების მოგვარების შემდეგ ყოველგვარი სიძნელეების გარეშე შეიძლება სათანადო აზრების შერჩევა და ისეთნაირად წარდგენა, რომ სამქადაგებლო მსახურებას შეესაბამებოდეს.
11–13. რატომ არის მნიშვნელოვანი, ვაჩვენოთ ჩვენ მიერ წარდგენილი მასალის პრაქტიკული ღირებულება?
11 მასალის პრაქტიკული ღირებულება ხაზგასმულია. მასალის პრაქტიკული ღირებულების ხაზგასმა ნიშნავს, მობინადრეს ნათლად და არაორაზროვნად აჩვენო, რომ ეს მას ეხება, რომ ეს არის სწორედ ის, რაც მას სჭირდება და რის გამოყენებაც შეუძლია. საუბრის დაწყებისთანავე მობინადრემ უნდა გაიგოს, რომ „ეს მასაც ეხება“. ეს აუცილებელია მსმენელის ყურადღების დასაპყრობად. მაგრამ ყურადღების შესანარჩუნებლად აუცილებელია, რომ მთელი საუბრის განმავლობაში მასალა მსმენელისკენ იყოს მიმართული.
12 ეს უფრო მეტია, ვიდრე მსმენელთან მხოლოდ კონტაქტის დამყარება და მათი მსჯელობისკენ აღძვრა. ახლა უფრო წინ უნდა წაიწიო და, ფაქტიურად, მთელი გამოყენებული მასალა მობინადრეს უნდა შეუსაბამო. სამქადაგებლო მსახურებაში ჩვენი მიზანია, ვასწავლოთ ადამიანებს ღვთის სიტყვის ჭეშმარიტება და ხსნის გზა ვაპოვნინოთ. ამიტომ ტაქტიანად და პატივისცემით, მობინადრეს უნდა დაანახო, თუ რა სარგებლობას მოუტანს შენი ნათქვამის მოსმენა და მის შესაბამისად მოქმედება.
13 თუმცა პუნქტის ეს მხარე ბოლოშია მოხსენიებული, ეს არ ნიშნავს, რომ ის ნაკლებად მნიშვნელოვანია. ეს მნიშვნელოვანია და არასოდეს არ უნდა გამოგვრჩეს. იმუშავე ამაზე, რადგან ის აუცილებელია სამქადაგებლო მსახურებისას. იშვიათად თუ შეძლებ მობინადრის ყურადღების შენარჩუნებას, თუ ის არ დაინახავს, რომ შენს ნათქვამს პირადად მისი სიცოცხლისთვის რაღაც ღირებულება აქვს.