ღვთის განსადიდებლად ბიბლიური ლიტერატურის გამოცემა
იეჰოვას მოწმეები კარგად არიან ცნობილი ბეჭდვითი სიტყვის საშუალებით ღვთის სამეფოს შესახებ თავიანთი ქადაგებით. საზოგადოება „საგუშაგო კოშკი“ 1920 წლიდან ჟურნალებისა და წიგნების გამოსაცემად ნებაყოფლობით მომუშავე მოწმეთა შრომას იყენებს. ეს წარმოების საიმედოობისა და ბიბლიური ლიტერატურის დაბალი თვითღირებულების გარანტიას იძლევა.
დაახლოებით 70 წელია, რაც საზოგადოება აუმჯობესებს და აფართოებს ბიბლიური ლიტერატურის გამოცემას თავდაპირველად ბრუკლინში და შემდეგ სხვა ქვეყნებში. მთელი სამუშაო ნებაყოფლობით მომუშავეთა ძალებით სრულდება, რომელთა რიცხვი სულ უფრო იზრდება.
ტექსტის ტრადიციული დამუშავების მეთოდი და ბეჭდვა 1970-იანი წლების დასასრულიდან თანდათანობით შეიცვალა კომპიუტერული სისტემის გამოყენებით, ფოტოაწყობითა და ოფსეტური ბეჭდვით. ამან წამოჭრა პრობლემა, ვინაიდან იმ დროს მსოფლიო ბაზარზე არსებულ მოწყობილობებს მხოლოდ შეზღუდული რაოდენობით შეეძლო ენების დამუშავება. მაგრამ საზოგადოება უკვე დაახლოებით 160 ენაზე გამოსცემდა ლიტერატურას და საჭიროება იყო უფრო მეტ ენაზე.
ამიტომ გადაწყდა, შემუშავებულიყო მრავალენოვანი ელექტრონული ფოტოაწყობის სისტემა. შედეგები იმედის მომცემი აღმოჩნდა. აუცილებელი ტექნიკური წინსვლა მიღწეულ იქნა და შემუშავდა ტექსტის შეყვანის, აწყობის, ფოტოაწყობის სისტემები, რომელსაც MEPS-ის სისტემა ეწოდა. ამან შესაძლებელი გახადა 210-ზე მეტ ენაზე მუშაობა. ენების რაოდენობის გაზრდა შესაძლებელია.
დღეს MEPS-ის სისტემის საშუალებით 100-ზე მეტ ქვეყანაში მიმდინარეობს გადათარგმნილი ტექსტის დამუშავება. სხვადასხვა ქვეყანაში ნებაყოფლობით მომუშავეებს ასწავლეს, თუ როგორ გამოიყენონ და გამართულ მდგომარეობაში შეინარჩუნონ ეს მოწყობილობა. საზოგადოება ახლა 120-ზე მეტ ენაზე გამოსცემს ჟურნალებს; ხუთ ქვეყანაში გამოიცემა წიგნები და ბიბლიები.
ამ საქმის შესასრულებლად საჭიროა ხალხი — მწერლები, მთარგმნელები, კორექტორები, სტამბის მუშები, წიგნების მკინძავები და მიმწოდებლები. სხვებმა კრებებთან უნდა აწარმოონ მიწერ-მოწერა. ზოგს საკვები პროდუქტები მოჰყავს, ზოგი საჭმელს ამზადებს, ზოგი ასუფთავებს, ზოგი რეცხავს და ასე შემდეგ. ყოველივე ამას მოხალისეები ასრულებენ, რომლებიც ნებაყოფლობით მსახურობენ სხვადასხვა ქვეყნებში. მსოფლიოში 1996 წლისთვის სხვადასხვა ოფისებში, ფაბრიკებში, ბინებსა და ფერმებში 16 966 მოხალისე მსახურობდა.
ვინ არიან ეს ადამიანები? მამაკაცები და ქალები, დაუქორწინებლები და დაქორწინებულები, ახალგაზრდები და ხანდაზმულები — იეჰოვასადმი მიძღვნილი მოწმეები. ზოგი უკვე 40, 50 და 60 წელიც კია, რაც ამ სამუშაოს ასრულებს. ისინი საშუალოდ, სულ მცირე, კვირაში 44 საათს უთმობენ მათთვის დაკისრებული სამუშაოს შესრულებასა, და როცა საჭიროა, დამატებით მუშაობენ. საღამოებსა და დასვენების დღეებს კეთილი ცნობის კარდაკარ ქადაგებასა და კრების სხვა საქმეებს ახმარენ.
მთელ მსოფლიოში ისინი საზოგადოების მიერ დაფუძნებულ სახლებში, რომლებსაც ბეთელი ეწოდება, უზურნველყოფილი არიან უბრალო საცხოვრებელი ოთახებითა და საკვებით. გარდა ამისა, ისინი ღებულობენ მცირე თანხას მსახურებისას თავიანთი მგზავრობის ხარჯების დასაფარავად და პირადი საჭიროებებისთვის.
მთელ მსოფლიოში გასავრცელებლად 1920 წლიდან ამ მოხალისეებმა 200-ზე მეტ ენაზე ცხრა მილიარდზე მეტი ბიბლია, წიგნი, ჟურნალი და ბროშურა გამოუშვეს. მათ მიერ ამ საქმეში შეტანილი წვლილი შესაძლებელს ხდის მარადიული კეთილი ცნობის, როგორც სასიხარულო ცნობის, ქადაგებას ყოველი ერის, ტომის, ენისა და ხალხისთვის (გამოცხადება 14:6, 7).
• რა ბეჭდვით ოპერაციებს ახორციელებს საზოგადოება „საგუშაგო კოშკი“ და რატომ?
• ვინ ასრულებს ყველა ამ სამუშაოს და როგორ ცხოვრობენ ისინი?
[სურათები 24 გვერდზე]
მოხალისეები ასრულებენ სხვადასხვა დავალებებს: მსახურობენ ტიპოგრაფიებში, ბინებში, ოფისებსა და ფერმაში (ბრუკლინი და უოლკილი, ნიუ-იორკი, აშშ).
[სურათები 25 გვერდზე]
მოხალისეები, რომლებიც ასრულებენ სხვადასხვა დანიშნულებას, რომელიც, პირდაპირ თუ არაპირდაპირ, ბიბლიისა და ბიბლიური ლიტერატურის წარმოებასთანაა დაკავშირებული.
ესპანეთი
გერმანია
ფინეთი
კანადა
დანია
შვედეთი
სამხერთ აფრიკა
ბრაზილია
ნიდერლანდები
ავსტრალია