ღვთის ფარის გაერთიანებულად მწყემსვა
„როგორ ხდება იეჰოვას მოწმეთა კრებების ხელმძღვანელობის გაწევა მთელ მსოფლიოში?“ — შეიძლება იკითხოს ვინმემ. ხელმძღვანელობის ორგანიზების საკითხებში ის მიჰყვება პირველი საუკუნის ქრისტიანთა კრების მიერ დატოვებულ მაგალითს, — ასეთია ჩვენი პასუხი.
ჩ. ტ. რასელმა და მისმა თანამშრომლებმა 1870-იან წლებში მათ მიერ ბიბლიის კვლევის შედეგების გავრცელების ინიციატივა აიღეს და ამას მოხსენებებისა და ბეჭდვითი სიტყვის საშუალებით აკეთებდნენ. მთელ ქვეყანაში ისინი, რომლებსაც ამ საქმიანობაში მათთან გაერთიანება სურდათ, რასელსა და მის ახლო თანამშრომლებს უყურებდნენ როგორც საერთო საქმით დაკავშირებულ, უფლის საქმეებში ყველაზე მეტად გამოცდილ მამაკაცთა ჯგუფს, რომლებთანაც შეეძლოთ თავიანთ საქმიანობასთან დაკავშირებით რჩევების მიღება.
საზოგადოება „სიონის საგუშაგო კოშკი“ 1884 წელს პენსილვანიის შტატში კანონიერად იქნა რეგისტრირებული. რასელი და მისი პასუხისმგებელი თანამოაზრეები აქტიურად ჩაებნენ როგორც საზოგადოების ხელმძღვანელობის, ისე ბიბლიის მკვლევართა საქმიანობაში. 1909 წელს მათ თავიანთი მთავარი სამმართველო ბრუკლინში (ნიუ-იორკი) გადაიტანეს. საზოგადოება „საგუშაგო კოშკის“ ხელმძღვანელები და მათი ახლო თანამშრომლები, სულიერად გამოცდილი ცხებული მამაკაცები, წლების განმავლობაში იეჰოვას მოწმეთა ხელმძღვანელ საბჭოში მსახურობდნენ.
ხელმძღვანელი საბჭო შედგება ცხებული ქრისტიანი მამაკაცებისგან (1996 წელს 10), რომელთაგან 7 საზოგადოება „საგუშაგო კოშკის“ მართვას ხელმძღვანელობს. ისინი მთელ მსოფლიოში იეჰოვას მოწმეთა საქმიანობას უწევენ მეთვალყურეობას. ისინი არ არიან ღვთის მიერ ინსპირირებულები და, აქედან გამომდინარე, არც შეუცდომლები, მაგრამ დედამიწაზე უზენაეს ავტორიტეტად ღვთის მიერ ინსპირირებულ მის შეუცდომელ სიტყვას მიიჩნევენ, აგრეთვე ღვთის ნებისადმი მორჩილების მთელი ცხოვრების გამოცდილება აქვთ. თითოეული მათგანი იეჰოვას მოწმედ სრული დროით მსახურების 50 წელზე მეტს ითვლის.
ხელმძღვანელი საბჭო ზედამხედველობას უწევს, თუ რას აქვეყნებს საზოგადოება. სტატიები იწერება სამწყსოს სულიერ მოთხოვნილებაზე დაკვირვებით და ისინი ლოცვის, გულდასმითი შესწავლისა და ღვთის სიტყვის გამოკვლევის შედეგია. იმ დროს, როცა ეს მამაკაცები განაგრძობენ ბიბლიის შესწავლას და უფრო და უფრო ხედავენ ღვთის განზრახვებისა და მსოფლიო მოვლენების შესახებ წინასწარმეტყველებების შესრულებას, ასევე მსოფლიოში ღვთის ხალხის მდგომარეობას, დროდადრო მათ შეიძლება საჭიროდ ჩათვალონ, გარკვეული სწავლებების გაგებასთან დაკავშირებით შეიტანონ შესწორებები. ასეთნაირად შემეცნება ჭეშმარიტების შესახებ უფრო მდიდრდება (ფსალმუნი 96:11; იგავნი 4:18; დანიელი 12:4).
ხელმძღვანელი საბჭო ნიშნავს ფილიალის კომიტეტს და მსოფლიოში არსებული 100 ფილიალზე მეტიდან თითოეულ კომიტეტში სამი ან მეტი სულიერად გამოცდილი მამაკაცი შედის და ეს ფილიალები ზედამხედველობას უწევენ საქმიანობას 200-ზე მეტ ქვეყანაში და კუნძულებზე. ფილიალებს კავშირი აქვს თავიანთ ზედამხედველობაში მყოფ კრებებთან. არსებობს რეგულარული კავშირი ხელმძღვანელ საბჭოსა და ფილიალების კომიტეტებს შორის; ყოველწლიურად ხელმძღვანელი საბჭოს წევრები პირადად ინახულებენ მრავალ ფილიალს, რათა საქმის კურსში იყვნენ.
ეს მამაკაცები სხვების რწმენაზე კი არ უფლობენ, არამედ თავაუღებლივ მშრომელი მსახურები არიან, ისე რომ, მათი შრომის საფუძველზე მრავალს შეუძლია ღვთის სიტყვის შესწავლა. ისინი მატერიალური გამორჩენის მიზნით კი არ მსახურობენ, არამედ თავიანთ მატერიალურ მოთხოვნილებებს ისევე იკმაყოფილებენ, როგორც ბეთელის ოჯახის სხვა წევრები. მათი ერთგული მსახურების დამადასტურებელია მთელ მსოფლიოში იეჰოვას მოწმეების თავგამოდება, ერთიანობა, მაღალი ზნეობრივი ნორმები და ბიბლიური სწავლებების მიმართ ურყევი ერთგულების გამოვლენა (1 კორინთელთა 3:5–9; 4:1, 2; 2 კორინთელთა 1:24; 3:1–3; 1 პეტრე 5:2, 3).
• როგორ განვითარდა მართვის სისტემა?
• ვინ მსახურობს დღეს ხელმძღვანელ საბჭოში და რა შედის მათ პასუხისმგებლობებში?
• როგორ ეწევა ზედამხედველობა საქმიანობას სხვადასხვა ქვეყნებში?
[რუკა 26 გვერდზე]
(სრულად გაფორმებული ტექსტი იხილეთ პუბლიკაციაში)
• ტერიტორიები, სადაც იეჰოვას მოწმეები ღვთის ნებას ასრულებენ.
[სურათები 26 გვერდზე]
საზოგადოება „საგუშაგო კოშკის“ ყოფილი პრეზიდენტები.
ჩ. ტ. რასელი 1884–1916.
ჯ. ფ. რუტერფორდი 1917–1942.
ნ. ჰ. ნორი 1942–1977.
ფ. ვ. ფრენცი 1977–1992.
[სურათები 27 გვერდზე]
იეჰოვას მოწმეთა 100 ფილიალიდან რამდენიმე, რომლებიც ზედამხედველობას უწევს მოწმეთა მსოფლიო საქმიანობას.
კანადა
ზამბია
გერმანია
იაპონია
ავსტრალია
ბრაზილია