საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ
საგუშაგო კოშკი
ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ
ქართული
  • ᲑᲘᲑᲚᲘᲐ
  • ᲞᲣᲑᲚᲘᲙᲐᲪᲘᲔᲑᲘ
  • ᲨᲔᲮᲕᲔᲓᲠᲔᲑᲘ
  • yp2 თ. 17 გვ. 142-146
  • ვიმეგობრო კლასელებთან?

ვიდეო არ არის ხელმისაწვდომი.

ბოდიშს გიხდით, ვიდეოს ჩამოტვირთვა ვერ მოხერხდა.

  • ვიმეგობრო კლასელებთან?
  • ახალგაზრდების შეკითხვები — პრაქტიკული რჩევები, ტომი 2
  • ქვესათაურები
  • მსგავსი მასალა
  • საჭიროა სიფრთხილე
  • რა აჯობებს?
  • ახლო ურთიერთობა კლასელებთან — სად არის ზღვარი?
    გამოიღვიძეთ! — 2006
  • როგორ ვიპოვო კარგი მეგობრები?
    ახალგაზრდების შეკითხვები — პრაქტიკული რჩევები, ტომი 1
  • უკეთესი მეგობრები ხომ არ მჭირდება?
    გამოიღვიძეთ! — 2009
  • დაკვირვებით შეარჩიეთ მეგობრები
    იხარეთ ცხოვრებით მარადიულად! — ბიბლიის სასწავლო კურსი
იხილეთ მეტი
ახალგაზრდების შეკითხვები — პრაქტიკული რჩევები, ტომი 2
yp2 თ. 17 გვ. 142-146

თავი 17

ვიმეგობრო კლასელებთან?

«ზოგჯერ, როცა ერთად შეკრებილ ბიჭებს ვხედავ, გულში ვფიქრობ: „რა კარგი მეგობრობა აქვთ. ნეტა, მეც ასეთი მეგობრები მყავდეს“» (ჯოზეფი).

„სკოლაში ძალიან ადვილად ვუმეგობრდებოდი სხვებს და ეს პრობლემებს მიქმნიდა“ (მარია).

მეგობრები ყველას გვჭირდება. ყველას გვინდა, რომ ვინმე გვყავდეს გვერდით ჭირში თუ ლხინში. იესო ქრისტესაც ჰყავდა მეგობრები, რომლებთანაც სიამოვნებდა ურთიერთობა (იოანე 15:15). როცა იესო წამების ბოძზე კვდებოდა, იქვე იყო მისი ახლო მეგობარი იოანე — „მოწაფე, რომელიც იესოს უყვარდა“ (იოანე 19:25—27; 21:20). შენც ასეთი მეგობრები გჭირდება; მეგობრები, რომლებიც ყოველთვის შენ გვერდით იქნებიან.

შეიძლება ფიქრობ, რომ უკვე გყავს ასეთი მეგობრები და მაშინვე გახსენდება ერთი ან ორი კლასელი. თქვენ კარგად უგებთ ერთმანეთს, ბევრი რამ გაქვთ საერთო და გსიამოვნებთ ერთმანეთთან ურთიერთობა. შეიძლება მათ „ცუდ საზოგადოებას“ სულაც არ მიაკუთვნებ (1 კორინთელები 15:33). ენი ამბობს: „კლასელებს თითქმის ყოველდღე ხედავ და მათთან თავს თავისუფლად გრძნობ. როცა სულიერ და-ძმებთან ხარ, სულ უნდა აკონტროლო, რას ამბობ და რას აკეთებ. სკოლაში კი ამაზე არ ფიქრობ“. თან შეიძლება შენც იზიარებ ლოისის აზრს: „მინდოდა კლასელებისთვის მეჩვენებინა, რომ იეჰოვას მოწმეები ნორმალური ადამიანები ვართ და არც ისე განვსხვავდებით სხვებისგან, როგორც ბევრს ჰგონია“. ნამდვილად ღირს ამ მიზეზების გამო კლასელებთან ახლო ურთიერთობა?

საჭიროა სიფრთხილე

მარია, რომლის სიტყვებიც თავშია მოყვანილი, ძალიან მეგობრული იყო და ყველას მოსწონდა მასთან ურთიერთობა. თუმცა მას უჭირდა იმის განსაზღვრა, თუ ვისთან ღირდა ახლო ურთიერთობა და ვისთან — არა. ის ამბობს: „მომწონდა, რომ გოგოებსაც და ბიჭებსაც სიამოვნებდათ ჩემთან ურთიერთობა. მაგრამ ასე ნელ-ნელა ვიძირებოდი ქვეყნიერებაში“. მსგავსი რამ ლოისმაც გამოსცადა. იგი იხსენებს: „თანდათან ჩემი მეგობრების აზროვნება მეც გადმომედო და მათსავით ვიქცეოდი“.

გასაკვირი არ არის ის, რაც მათ დაემართათ. ვინმეს მეგობარი რომ იყო, თქვენი აზრები და ინტერესები ბევრ რამეში უნდა ემთხვეოდეს. თუ მათთან გაქვს ახლო ურთიერთობა, ვისაც განსხვავებული მრწამსი და ფასეულობები აქვს, ეს აუცილებლად მოახდენს გავლენას შენზე (იგავები 13:20). ამიტომ ამბობდა პავლე მოციქული: „ნუ შეებმებით უთანასწორო უღელში ურწმუნოებთან“ (2 კორინთელები 6:14).

რა აჯობებს?

ნიშნავს პავლეს რჩევა იმას, რომ კლასელებისგან თავი შორს უნდა დაიჭირო და გარიყული იყო? არა! ქრისტიანებმა ‘მოწაფეებად უნდა მოამზადონ ხალხი ყველა ერიდან’. ამ დავალების შესასრულებლად მათ ურთიერთობა უნდა ჰქონდეთ ყველა ეროვნებისა და რწმენის ადამიანებთან (მათე 28:19).

ამ მხრივ მოციქულმა პავლემ კარგი მაგალითი მოგვცა. იგი ყველასთან ნახულობდა საერთო ენას ისე, რომ თავის შეხედულებებს არ ღალატობდა (1 კორინთელები 9:22, 23). შენც მიჰბაძე პავლეს. იყავი მეგობრული და ეცადე, კლასელებთან კარგი ურთიერთობა გქონდეს. მაგრამ ნუ მიჰბაძავ მათ საუბარსა და საქციელში. რაც შეიძლება მალე აუხსენი მათ, თუ რატომ გირჩევნია ბიბლიური ნორმებით ცხოვრება (2 ტიმოთე 2:25).

შეიძლება კლასელებმა სხვა თვალით დაგიწყონ ყურება და გასაგებია, რომ ამასთან შეგუება ადვილი არ არის (იოანე 15:19). მაგრამ მოდი შენს სიტუაციას სხვა კუთხით შევხედოთ: თუ სამაშველო ნავში იქნები, რას გააკეთებ წყალში ჩაცვენილი ადამიანების დასახმარებლად. მათ ნავზე აყვანას შეეცდები თუ შენც წყალში გადახტები?

სკოლაში შენ ურთიერთობა გაქვს თანატოლებთან, რომლებიც არ არიან იეჰოვას მეგობრები. ეს კი მათ გარკვეული საფრთხის წინაშე აყენებს (ფსალმუნი 121:2—8). თუ იეჰოვას ნორმების დაცვაზე უარს იტყვი მხოლოდ და მხოლოდ იმიტომ, რომ კლასელებს აუბა მხარი, ეს შენს ბედნიერებასა და სულიერ ჯანმრთელობასაც შეუქმნის საფრთხეს (ეფესოელები 4:14, 15; იაკობი 4:4). ჯობია, შენ თვითონ ამოიყვანო კლასელები „სამაშველო ნავზე“ და დაანახვო, როგორ ემსახურონ იეჰოვას. ამაზე კარგს მათთვის ვერაფერს გააკეთებ!

საკვანძო ბიბლიური მუხლი

„ყველაფერს სასიხარულო ცნობისთვის ვაკეთებ, რათა მეც გავხდე მისი მოზიარე სხვებთან ერთად“ (1 კორინთელები 9:23).

რჩევა

თუ რომელიმე კლასელს შენს რწმენაზე რამე აინტერესებს, მასაც ათქმევინე თავისი აზრი. კარგად მოუსმინე. ესაუბრე „რბილად და ღრმა პატივისცემით“ (1 პეტრე 3:15).

იცოდი, რომ . . . ?

ბევრმა, ვინც დღეს ღმერთს ემსახურება, ჭეშმარიტება იმის წყალობით გაიგო, რომ მათი კლასელები გაბედულად საუბრობდნენ ბიბლიაზე.

რა უნდა გავაკეთო

თუ ვხედავ, რომ მეტისმეტად დავუახლოვდი კლასელს ․․․․․

თუ კლასელი დამცინის რწმენის გამო ․․․․․

რა ვკითხო მშობლებს ამ საკითხზე? ․․․․․

როგორ ფიქრობ?

● რატომ თვლის ზოგი, რომ სკოლაში უფრო ადვილია მეგობრების პოვნა, ვიდრე კრებაში?

● თუ გაკვეთილების შემდეგ დიდ დროს ატარებ კლასელთან, რომელიც შენს რწმენას არ იზიარებს, როგორ იმოქმედებს ეს შენზე?

● რატომ იქნება კარგი, თუ კლასელებს არ დაუმალავ, რომ იეჰოვას მოწმე ხარ?

[ჩანართი 143 გვერდზე]

„სკოლაში სხვებივით ვიქცეოდი და ბევრთან ვძმაკაცობდი. მაგრამ საკუთარ შეცდომებზე ჭკუა ვისწავლე და დღეს კრებაში მყავს მეგობრები. მათ ყველაფერში ვენდობი“ (დანიელი).

[სურათი 146 გვერდზე]

როგორ დაეხმარები ადამიანს, რომელიც იხრჩობა — შენც წყალში გადახტები თუ მაშველ რგოლს გადაუგდებ?

    ქართული პუბლიკაციები (1992—2026)
    გამოსვლა
    შესვლა
    • ქართული
    • გაზიარება
    • პარამეტრები
    • Copyright © 2025 Watch Tower Bible and Tract Society of Pennsylvania
    • ვებგვერდით სარგებლობის წესები
    • კონფიდენციალურობის პოლიტიკა
    • უსაფრთხოების პარამეტრები
    • JW.ORG
    • შესვლა
    გაზიარება