ახიმააცი

1. საულის ცოლის, ახინოამის მამა (1სმ. 14:50).

2. მღვდელ ცადოკის ვაჟი და აზარიას მამა (1მტ. 6:8, 9, 53); როდესაც აბესალომი თავის მამას, დავითს აუჯანყდა და ტახტი მიისაკუთრა, ახალგაზრდა ახიმააცმა დიდი წვლილი შეიტანა დავითისთვის მნიშვნელოვანი ინფორმაციის მიწოდებაში. ერთხელ ახიმააცი და მისი მეგობარი კინაღამ შეიპყრეს. ისინი დაიმალნენ ჭაში, რომელსაც ერთმა ქალმა თავზე გადააფარა და ბურღული დააყარა შესანიღბად (2სმ. 15:27, 36; 17:17—21). დავითისთვის აბესალომის დაღუპვის შესახებ ამბის შეტყობინება ქუშელ მალემსრბოლს დაავალეს, მაგრამ ახიმააცმა დაიჟინა, რომ ისიც გაეგზავნათ. როცა უფლება მისცეს, მან გაუსწრო ქუშელს. ქალაქს მიახლოებული ახიმააცი სირბილის მანერით იცნეს. „კარგი კაცია, კარგ ამბავს მოიტანს“, — თქვა დავითმა. ის მართალი აღმოჩნდა. ახიმააცმა მართლა კარგი ამბავი შეატყობინა მეფეს, ცუდი ამბავი კი სათქმელად ქუშელს დაუტოვა (2სმ. 18:19—32). ცნობილი არ არის, იყო თუ არა ახიმააცი ოდესმე მღვდელმთავარი. ზოგის ვარაუდით, ის მამაზე ადრე მოკვდა, რის გამოც ცადოკი მისმა ვაჟმა, აზარიამ შეცვალა (1მფ. 4:2; 1მტ. 6:8—10).

3. სოლომონის ასულ ბასმათის ქმარი; 12 ზედამხედველთაგან ერთ-ერთი, რომელსაც წელიწადში ერთ თვეს ნაფთალიდან სარჩოთი უნდა მოემარაგებინა მეფე და მისი სასახლე (1მფ. 4:7, 15). ზოგის აზრით, ის არის იგივე ახიმააცი №2.