ᲐᲜᲔᲠᲘ

1. ქანაანელი. ის და მისი ორი ძმა, ამორეველი მამრე და ეშქოლი, აბრაამის მოკავშირეები იყვნენ (დბ. 14:13). მოკავშირეებად ნათარგმნი ებრაული ფრაზა ბაʽალე ვერით სიტყვასიტყვით ნიშნავს შეთანხმების მფლობელებს (პატრონებს). ამ სამ ძმასა და აბრაამს შორის დადებული შეთანხმების პირობიდან არ ჩანს, მტრულად განწყობილი მეზობლების მხრიდან თავდასხმის დროს უნდა დახმარებოდნენ ერთმანეთს თუ, უბრალოდ, ერთმანეთში მშვიდობა უნდა ჰქონოდათ. როცა აბრაამის ძმისშვილი, ლოტი მოკავშირე მეფეებმა ტყვედ წაიყვანეს, ანერი თავის ძმებთან ერთად გაჰყვა აბრაამსა და მის 318 ძლიერ მონას და მათ მამრეს დიდი ხეებიდან (სადაც აბრაამი კარვებში ცხოვრობდა) დანამდე, დაახლ. 200 კმ ჩრდ. ჩრდ.-აღმ.-ით, შემდეგ კი დამასკოს იქით სდიეს მტერს. გამარჯვების შემდეგ აბრაამმა უარი განაცხადა ნადავლიდან წილის აღებაზე, მაგრამ თქვა, რომ შეთანხმების ერთგული მისი სამი მოკავშირისთვის თავ-თავიანთი წილი მიეცათ (დბ. 14:24; იხ. ᲛᲝᲙᲐᲕᲨᲘᲠᲔᲝᲑᲐ, ᲓᲐᲛᲝᲧᲕᲠᲔᲑᲐ).

2. მენაშეს ტერიტორიაზე მდებარე ქალაქი, რომელიც კეჰათის ძეების საგვარეულოებს მიეცა (1მტ. 6:70; იეს. 21:26). ზოგი ბიბლეისტის აზრით, ის არის იესო ნავეს ძის 21:25-ში მოხსენიებული თაანახი (იხ. ᲗᲐᲐᲜᲐᲮᲘ).