ბაალა

[ქალბატონის ადგილი].

1. ქალაქი იუდას ჩრდილოეთ საზღვარზე; მას კირიათ-ბაალსაც უწოდებდნენ, თუმცა უფრო ცნობილი იყო კირიათ-იეარიმის სახელით. ვარაუდობენ, რომ ის იგივე დაირ-ელ-აზარია (თელ-კირიათ-იეარიმი), რომელიც იერუსალიმიდან დას.-ჩრდ.-დას-ით დაახლოებით 13 კმ-ში მდებარეობს (იეს. 15:9, 10, 60; 18:14; 1მტ. 13:6; იხ. კირიათ-იეარიმი).

2. მთა იუდას უკიდურეს ჩრდ.-დას-ში, რომელიც ქალაქ შიქერონსა და იაბნეელს შორის მდებარეობდა. მასთან გადიოდა იუდას ტერიტორიის ჩრდილოეთი საზღვარი (იეს. 15:11). ვარაუდობენ, რომ ის მუღარის სახელით ცნობილი გორაა, რომელიც სორეკის ხევის ჩრდილოეთით მდებარეობს იაბნეელიდან (დღევანდელი იავნე) აღმ.-სამხრ.-აღმ-ით 3 კმ-ში.

3. ქალაქი ნეგების მხარეში, იუდას ტერიტორიაზე (იეს. 15:29); სავარაუდოდ, ის არის იესო ნავეს ძის 19:3-ში მოხსენიებული ბალა და 1 მატიანის 4:29-ში მოხსენიებული ბილჰა. საბოლოოდ, ის, როგორც შემოსაზღვრული ქალაქი, სიმონის ტომს ხვდა წილად. მისი ზუსტი ადგილმდებარეობა უცნობია, თუმცა, როგორც ჩანს, ბეერ-შებას სამხრ.-აღმ-ით მდებარეობდა.