ᲘᲐᲑᲜᲔᲔᲚᲘ

[ღმერთმა ააშენოს, ღმერთი აშენებს].

1. იუდას ტომის სასაზღვრო ქალაქი (იეს. 15:1, 11). შესაძლოა ეს იგივე იაბნეა, საიდანაც მეფე უზიამ (ძვ. წ. 829—778 წწ.) ფილისტიმელები განდევნა (2მტ. 26:6). იაბნეელს აიგივებენ თანამედროვე იავნესთან, რომელიც ხმელთაშუა ზღვიდან დაახლ. 6 კმ-ში და იოპის სამხრ.-ით 20 კმ-ში ერთ მივარდნილ, ქვიშიან გორაზე მდებარეობს.

2. ნაფთალის სასაზღვრო ქალაქი (იეს. 19:32, 33). ზოგი მიიჩნევს, რომ თალმუდში მოხსენიებული იაბნეელი იგივე ხირბეთ-იამაა. თუმცა ბიბლიაში მოხსენიებულ იაბნეელს თელ-ენ-ნაამთან (თელ-ინამი) აიგივებენ, რომელიც ტიბერიადის სამხრ. სამხრ.-დას.-ით დაახლ. 8 კმ-ში წყაროსთან მდებარეობს. მისი სახელი შემორჩა ახლომდებარე სოფლის სახელწოდებაში „იავნეელი“.