ბᲔᲚᲢᲔᲨᲐᲪᲐᲠᲘ

(აქადურიდან, ნიშნავს: „დაიცავი მეფის სიცოცხლე“).

ბაბილონური სახელი, რომელიც შეარქვეს დანიელს მას შემდეგ, რაც ძვ. წ. 617 წელს ის ტყვეობაში აღმოჩნდა. არ უნდა აგვერიოს ბელშაცარში (დნ. 1:7). სახელი ბელტეშაცარი, სავარაუდოდ, ღვთაება ბელისადმი მიმართვის შემოკლებული ფორმაა, რომელიც ნაბუქოდონოსორის მიერ იყო შერჩეული თავისი „ღვთის სახელის პატივსაცემად“ (დნ. 4:8; 5:12). როგორც ჩანს, ნაბუქოდონოსორმა იმიტომ შეუცვალა დანიელს სახელი, რომ ის ადვილად შერწყმოდა ახალ გარემოს და შეეწყვიტა იეჰოვას თაყვანისცემა. თუმცაღა, ბაბილონელები მას თავისი ებრაული სახელით, დანიელითაც მოიხსენიებდნენ (დნ. 4:18, 19; 5:12, 13; იხ. ᲓᲐᲜᲘᲔᲚᲘ №2).