ᲑᲔᲗ-ᲨᲘᲢᲐ

(სახლი აკაციისა). ქალაქი, რომელიც იზრეელის ველზე მსაჯულ გედეონის მიერ დამარცხებულმა მიდიანელებმა უკუქცევისას გზად გაიარეს (მსჯ. 7:22). რადგან მიდიანელებს გეზი იორდანისკენ ჰქონდათ აღებული, ბეთ-შიტა უნდა მდებარეობდეს მორეს გორისა და ხაროდის წყაროს აღმ-ით ან სამხრ.-აღმ-ით, რომელთა სიახლოვესაც ბრძოლა გაიმართა (მსჯ. 7:1). ზოგი ფიქრობს, რომ ბეთ-შიტა იგივე შატაა (ბეთ-ჰა-შიტა), რომელიც თანამედროვე ენ-ხაროდის აღმ. სამხრ.-აღმ-ით დაახლ. 4,5 კმ-ში მდებარეობს და რომელშიც შემონახულია თავდაპირველი სახელი. მაგრამ, ზოგის აზრით, ეს ადგილი ძალიან ახლოსაა ბრძოლის ველთან და მიიჩნევენ, რომ ის უფრო სამხრ.-აღმ-ით უნდა მდებარეობდეს, თუმცა ზუსტ ადგილს ვერ ასახელებენ.