კლეოპა

[შესაძლოა კლეოპატროსის შემოკლებული ფორმა; ნიშნავს სახელგანთქმულ მამას]

იესოს იმ ორი მოწაფიდან (არც ერთი მათგანი არ იყო მოციქული) ერთი-ერთი, რომელიც იესოს მკვდრეთით აღდგომის დღეს სოფელ ემაუსში მიდიოდა. როცა იესო ამ ორ მოწაფეს დაემგზავრა და ჰკითხა, რაზე კამათობდნენ, კლეოპამ მიუგო: „ნუთუ შენთვის ცხოვრობ უცხოელივით იერუსალიმში? არ იცი, რა მოხდა იქ ამ დღეებში?“. მას შემდეგ, რაც იესომ წმინდა წერილიდან მრავალი ადგილი განუმარტა და თავისი ვინაობა გაუმჟღავნა, კლეოპამ და მისმა თანამგზავრმა ემაუსში დარჩენა გადაიფიქრეს, მაშინვე იერუსალიმში დაბრუნდნენ და ყველაფერს დანარჩენებს მოუყვნენ (ლკ. 24:13—35). ბერძნული სახელი კლეოპა და არამეული სახელი კლოპე სხვადასხვა სახელებია (ინ. 19:25).