დურა

ველი, რომელზეც ნაბუქოდონოსორმა ოქროს ქანდაკება აღმართა (დნ. 3:1).

ბიბლიაში ნათქვამია, რომ დურას ველი „ბაბილონის სამთავროში“ მდებარეობდა. შესაბამისად, ის შორს არ უნდა ყოფილიყო ქალაქ ბაბილონიდან. სწორედ ამიტომ მეცნიერთა ერთი ნაწილი ფიქრობს, რომ ეს ველი, დიდი ალბათობით, ბაბილონის სამხრ.-აღმ-ით 10 კმ-ში მდებარე თანამედროვე თულულ-დურა უნდა იყოს. იქ აღმოჩენილი ალიზით ნაშენი შემაღლებული ადგილის ნანგრევები, რომლის სიგრძეცა და სიგანეც 14 მ-ია, ზოგის აზრით, ნაბუქოდონოსორის მიერ აღმართული კერპის კვარცხლბეკი უნდა ყოფილიყო. თუმცა აქადური სიტყვა დურუ (ნიშნავს „წრეს“, „გალავანს“ ანუ „გამაგრებულ ადგილს“) არაერთხელ გვხვდება მესოპოტამიის გეოგრაფიულ სახელწოდებებში, რის გამოც დაზუსტებით რამის თქმა შეუძლებელია.