სოლომონის ტაძარი

მას შემდეგ, რაც ისრაელი აღთქმულ მიწაზე დასახლდა და ხელში ჩაიგდო ქალაქი, რომელსაც მოგვიანებით იეჰოვას სახელი დაერქვა, სოლომონმა იეჰოვას ტაძარი აუგო. ამ ტაძრის გეგმა იეჰოვამ სოლომონის მამას, დავითს გაუმხილა (1მტ. 28:11, 12). მისი მშენებლობა, რომელზეც 180000-ზე მეტი კაცი მუშაობდა, შვიდწელიწად-ნახევარს გაგრძელდა და ძვ. წ. 1027 წელს დასრულდა (1მფ. 5:13—16; 6:1, 38). კარვის მსგავსად ტაძარიც „ჭეშმარიტ კარავს“, იეჰოვას სულიერ ტაძარს განასახიერებდა (ებ. 8:1—5; 9:2—10, 23).

ტაძრისა და შიდა ეზოს გეგმა (მარცხნივ). ტაძრის შიდა ხედი (ქვემოთ) წარმოდგენას გვიქმნის ამ დიდებული ნაგებობის სილამაზეზე. ტაძრის კედლები შიგნიდან კედრის ხით იყო მოპირკეთებული და მათზე ქერუბიმები, პალმები და ყვავილები იყო ამოკვეთილი. ჭერი და კედლები ოქროთი იყო მოვარაყებული და ძვირფასი ქვებით მორთული.