ეფრონი

1. [ნაწარმოებია ფუძიდან, რომელიც ნიშნავს ნუკრს (ირმისა)] — ხეთელი ცოხარის ვაჟი, რომელსაც ხებრონში მამრეს წინ მაქფელას მინდორი ჰქონდა. აბრაამმა ეს მინდორი გამოქვაბულთან ერთად იყიდა ეფრონისგან სარას დასამარხად (დბ. 23:3—20). ამ საგვარეულო სამარხისთვის აბრაამმა 400 შეკელი ვერცხლი (დაახლ. $880) გადაიხადა, თუმცა შემდგომი თაობები ამ ადგილს მაინც „ეფრონის მინდვრად“ მოიხსენიებდნენ (დბ. 25:9; 49:29, 30; 50:13).

2. [მტვრის ადგილი] — მთაგრეხილი ნეფთოახსა და კირიათ-იეარიმს შორის (იეს. 15:9). ის მდებარეობდა იუდას ტომის ჩრდილოეთ საზღვართან.

3. სიტყვა „ეფრონს“ 2 მატიანის 13:19-ში მოიხსენიებს მასორული ტექსტი, ბერძნული სეპტუაგინტა და ზოგი სხვა თარგმანი. თუმცა მასორული ტექსტის მარგინალურ მუხლში წერია ეფრაინი (იხ. ეფრაინი).