ᲒᲐᲐᲚᲘ

[შესაძლოა ნიშნავს საზიზღარს, შესაზიზღს]

ებედის ვაჟი, რომელიც თავის ძმებთან ერთად შექემში გადავიდა და იქაური ხალხის ნდობა მოიპოვა (მსჯ. 9:26). მანამდე, როცა აბიმელექმა იერუბაალის (გედეონი) ვაჟები დახოცა, შექემელებმა მხარი დაუჭირეს მას და თავიანთ მეფედ გამოაცხადეს (მსჯ. 9:1—6). როგორც ჩანს, აბიმელექმა შექემის მთავრად ზებული დააყენა, თავად კი არუმაში ცხოვრობდა. დროთა განმავლობაში აბიმელექსა და შექემელებს შორის მტრობა ჩამოვარდა. ამიტომ გაალმა თავის ძმებთან ერთად აუჯანყა შექემელები აბიმელექს. როგორც კი გაიგო ამის შესახებ, ზებულმა ეს აბიმელექს შეატყობინა და ურჩია, როგორ მოეგვარებინა სიტუაცია. გაალი და მისი მომხრეები შეებრძოლნენ მეფე აბიმელექს, მაგრამ დამარცხდნენ, უკუიქცნენ და ქალაქში დაბრუნდნენ. საბოლოოდ ზებულმა გაალი და მისი ძმები შექემიდან განდევნა (მსჯ. 9:22—41).