ზებული

[შეწყნარება; ან შესაძლოა ნიშნავს დიდებულ სამყოფელს (სამკვიდროს)]

ქალაქ შექემის გამგებელი, რომელიც გედეონის ვაჟ აბიმელექს ემორჩილებოდა. როცა გაალი თავის ძმებთან ერთად შექემში ჩავიდა აბიმელექის წინააღმდეგ ხალხის ასაჯანყებლად, ზებულმა ეს ამბავი აბიმელექს შეატყობინა. მოგვიანებით მან ამბოხების მოთავე მკვეხარა გაალს უთხრა, ბრძოლაში ეჩვენებინა, რისი მაქნისი იყო. აჯანყებული შექემელები დამარცხდნენ და ზებულმა გაალი და მისი ძმები ქალაქიდან გააძევა (მსჯ. 9:26—41).