ერები, რომლებიც თავს ესხმოდნენ ისრაელს

ისრაელის გარშემო მცხოვრებ მტრულად განწყობილ ერებს ისრაელის ხელში ჩაგდება ჰქონდათ განზრახული. დაიპყრობდნენ ისინი ისრაელს? მანამ, სანამ ისრაელი ღვთის ერთგულებას ინარჩუნებდა, უპირატესობა ყოველთვის მის მხარეს, რადგან „იეჰოვა იბრძოდა ისრაელებისთვის“ (იეს. 10:14).

ამის თვალსაჩინო მტკიცებულებაა იეჰოშაფატის მეფობის (ძვ. წ. 936—911) დროს განვითარებული მოვლენები. ამონელებმა, მოაბელებმა და სეირის მთიანი მხარის მკვიდრებმა გაერთიანებული ძალებით იუდას წინააღმდეგ გაილაშქრეს. იეჰოშაფატმა ლოცვით მიმართა იეჰოვას: „ნახე, რას აკეთებენ ... ჩვენი გაძევება უნდათ იმ მიწიდან, შენ რომ დაგვამკვიდრებინე. ჩვენო ღმერთო, განა არ აღასრულებ მათზე განაჩენს?!“. იეჰოვამ შეისმინა მისი ვედრება. ღმერთმა წინასწარმეტყველის მეშვეობით დაარწმუნა იუდა, რომ მათ მაგივრად იბრძოლებდა. იეჰოვამ გონება აურია მტერს. შედეგად, მათ ერთმანეთი გაჟლიტეს (2მტ. 20:1—23).

იეჰოვა საუკუნეების განმავლობაში იბრძოდა ისრაელისთვის, თუმცა ბოლოს მან დაუშვა, რომ მტერს დაეპყრო ის. ძვ. წ. 740 წელს ასურელებმა გაანადგურეს ისრაელის ათტომიანი სამეფო, რადგან „შესცოდეს ისრაელებმა იეჰოვას, თავიანთ ღმერთს“ (2მფ. 17:7—18). შემდეგ ძვ.წ. 607 წელს ორგულობის გამო იუდას ორტომიანი სამეფო განადგურდა ბაბილონელთა ხელით (2მფ. 21:10—15; 22:16, 17). ისრაელის ისტორიის ამ პერიოდიდან კარგად ჩანს, თუ რამდენად მნიშვნელოვანია იეჰოვასადმი მორჩილება.