„ᲦᲛᲔᲠᲗᲘ, ᲘᲡᲠᲐᲔᲚᲘᲡ ᲦᲛᲔᲠᲗᲘ“

სახელი, რომელიც იაკობმა უწოდა პირველ სამსხვერპლოს, რომელიც ხარანიდან დაბრუნების შემდეგ ააგო.

ფენიელში იეჰოვას ანგელოზთან შეხვედრის შემდეგ იაკობს დაერქვა ისრაელი და მას შემდეგ, რაც თავის ძმას, ესავს შეურიგდა, იაკობი დასახლდა სუქოთში, შემდეგ კი — შექემში. აქ მან ხამორის ძეთაგან შეიძინა მიწის ნაკვეთი და კარავი გაშალა (დბ. 32:24—30; 33:1—4, 17—19). შემდეგ მან „აღმართა იქ სამსხვერპლო და მას ღმერთი, ისრაელის ღმერთი, უწოდა“, ანუ ღმერთი ისრაელის ღმერთია (დბ. 33:20). თავისი ახალი სახელი, ისრაელი სამსხვერპლოს სახელს რომ დაუკავშირა, იაკობმა ამით აჩვენა, რომ მადლიერებით მიიღო ეს სახელი და მადლობდა ღმერთს, რომ მშვიდობიანად დააბრუნა ის აღთქმულ მიწაზე. ზემოხსენებულ სახელწოდებას მხოლოდ ერთხელ ვხვდებით წმინდა წერილებში.