ხაშაბია

[შემფასებელია იეჰოვა].

1. ლევიანი მერარის საგვარეულოდან; ტაძრის მგალობელი ეთანის წინაპარი (1მტ. 6:31, 44—47); შესაძლოა, არის იგივე №6.

2. იმ 24 ჯგუფიდან მე-12 ჯგუფის მეთაური, რომლებშიც დავითმა ტაძარში მომსახურე ლევიანი მუსიკოსები გაანაწილა. იედუთუნის ექვსი ვაჟიდან ერთ-ერთი და შესაძლოა №1-ის შთამომავალი (1მტ. 25:1, 3, 19).

3. დავითმა ის და მისი ძმები იორდანეს დასავლეთ მხარეში „იეჰოვას საქმისა და მეფის სამსახურის“ გამგებლებად დანიშნა. ის იყო ლევიანი, კეჰათის ვაჟის, ხებრონის შთამომავალი (1მტ. 26:30; 23:12). შესაძლოა, არის იგივე №4.

4. დავითის მმართველობის დროს ლევის ტომის ერთ-ერთი მთავარი და წინამძღოლი (1მტ. 27:16, 17, 22). შესაძლოა, არის იგივე №3.

5. ერთ-ერთი იმ „ლევიანთა მთავრებს“ შორის, რომლებმაც უამრავი ცხოველი გაიღეს მეფე იოშიას ორგანიზებული დიდებული პასექის აღსანიშნავად (2მტ. 35:1, 9).

6. ლევიანი, რომლის ერთ-ერთი შთამომავალი ბაბილონის გადასახლების შემდეგ იერუსალიმში ცხოვრობდა (1მტ. 9:2, 3, 14; ნემ. 11:1, 4, 15, 20). შესაძლოა, არის იგივე №1.

7. ერთ-ერთი იმ უფროს მღვდელთაგან, რომლებსაც ძვ. წ. 468 წელს ეზრამ ძვირფასი ნივთების ბაბილონიდან იერუსალიმში გადატანა მიანდო (ეზრ. 8:24—30). შესაძლოა, ის არის მე-19 მუხლში მოხსენიებული ხაშაბია, იგივე №9.

8. ლევიანი და შესაძლოა №1-ის შთამომავალი; ნეემიას დროს მან მთელი ერის მიერ დადებული ერთგულების შეთანხმება დაადასტურა (ნემ. 9:38; 10:1, 9, 11). შესაძლოა, არის იგივე №10 ან №11.

9. მღვდელი და ხილკიას საგვარეულოს თავკაცი იეშუას საქმის გამგრძელებლის, მღვდელმთავარი იოიაკიმის დროს (ნემ. 12:10, 12, 21). შესაძლოა, არის იგივე №7.

10. იოიაკიმის მღვდელმთავრობის დროს მომსახურე ლევიანთა ერთ-ერთი თავკაცი (ნემ. 12:23, 24, 26; იხ. №8).

11. კეილას ნახევარი ოლქის ლევიანი მთავარი, რომელმაც თავისი ოლქის სახელით იერუსალიმის გალავნის ნაწილი აღადგინა (ნემ. 3:17; იხ. №8).

12. ლევიანი „ასაფის ძეთაგან“; გადასახლებიდან დაბრუნების შემდეგ მისი ერთ-ერთი შთამომავალი იერუსალიმში ლევიანთა ზედამხედველად მსახურობდა (ნემ. 11:22).