ᲮᲐᲪᲐᲠ-ᲡᲣᲡᲐ

[ფაშატების ეზო (დასახლება)].

სიმონელთა ქალაქი იუდას სამხრეთ ნაწილში (იეს. 19:1, 2, 5), აგრეთვე მოიხსენიება როგორც ხაცარ-სუსიმი (1მტ. 4:31). იუდას ქალაქების ანალოგიურ ჩამონათვალში ხაცარ-სუსას ადგილას მოხსენიებულია სანსანა (იეს. 15:21, 31). ზოგი მეცნიერი მიიჩნევს, რომ საუბარია ორ სხვადასხვა ადგილზე; სანსანა ბეერ-შების ჩრდილო-აღმოსავლეთით მდებარეობს, ხოლო ხაცარ-სუსა — ბეერ-შების დასავლეთით 26 კილომეტრში სბალათ აბუ სუსეინთან, ფილისტიმის ველებთან ახლოს. თუმცა მეცნიერთა გარკვეული კატეგორია თვლის, რომ ხაცარ-სუსა სანსანის მეორე სახელწოდებაა, რაც თავისი მნიშვნელობით ქალაქის განსაკუთრებულ ფუნქციაზე მიანიშნებს. თუ სანსანა და ხაცარ-სუსა ერთი და იგივეა, მაშინ ხაცარ-სუსა შესაძლოა ბეერ-შებას ჩრდილო-აღმოსავლეთით მდებარე ირბეთ ეშ-შამსანიათი იყოს, რომელიც მადმანადან (სავარაუდოდ, ბეთ-მარქაბოთი) მცირე მანძილში მდებარეობს (ბეთ-მარქაბოთი და მადმანა ხაცარ-სუსას, ხაცარ-სუსიმისა და სანსანის წინაა მოხსენიებული ზემოთ მითითებულ მუხლებში); იხ. ᲑᲔᲗ-ᲛᲐᲠᲥᲐᲑᲝᲗᲘ.