ᲑᲔᲗ-ᲛᲐᲠᲥᲐᲑᲝᲗᲘ

(სახლი ეტლებისა). სიმონის ტომისთვის გადაცემული ერთ-ერთი ქალაქი, რომელიც იუდას ტომის ტერიტორიაზე მდებარეობდა (იეს. 19:1, 5; 1მტ. 4:31). პარალელურ მუხლებში, სადაც ჩამოთვლილია თავდაპირველად იუდასთვის გამოყოფილი ქალაქები (იეს. 15:31), ბეთ-მარქაბოთის ადგილას მოხსენიებულია მადმანა. თუ ბეთ-მარქაბოთი იგივე მადმანაა, გამოდის, რომ ეს ქალაქი მდებარეობდა ბეერ-შებადან იერუსალიმისა და მის ჩრდ-ით მდებარე ადგილებისკენ მიმავალ მთავარ გზაზე, ხოლო ბეთ-მარქაბოთი მადმანას მეორე სახელწოდება იყო. ბეთ-მარქაბოთის შემდეგ მოხსენიებული ქალაქი ხაცარ-სუსის (ხაცარ-სუსიმი) მნიშვნელობაა „ეზო (დასახლება) ფაშატისა“. ზოგის აზრით, ეს ორივე ქალაქი ცხენებისა და ეტლების სადგომები იყო მათთვის, ვინც პალესტინასა და ეგვიპტეს შორის მოგზაურობდა. ვინაიდან ეტლებს საბრძოლველადაც იყენებდნენ (მსჯ. 1:19), შესაძლოა ბეთ-მარქაბოთი ქანაანელების ციხე-ქალაქი ყოფილიყო, საიდანაც მათ შეეძლოთ საბრძოლო ეტლები ბეერ-შებას მახლობლად დაბლობებზე გაეყვანათ (იხ. ᲛᲐᲓᲛᲐᲜᲐ, №2).