ხეფერი

[1—3: მან მოძებნა]

1. გალაადის ვაჟი და მენაშეს შვილთაშვილი; ხეფერელთა წინაპარი (რც. 26:29, 30, 32; 27:1); ის იყო ცელოფხადის მამა. როგორც ცნობილია, ცელოფხადს მხოლოდ ხუთი ასული ჰყავდა. მათი შემთხვევა გახდა იმის პრეცედენტი, თუ როგორ უნდა გადაეჭრათ მემკვიდრეობის საკითხი ვაჟი მემკვიდრის არარსებობის შემთხვევაში (რც. 26:33; 27:1—11; იეს. 17:2, 3).

2. იუდას შთამომავალი; აშხურის ვაჟი, რომელიც თავის ცოლ ნაარასთან შეეძინა (1მტ. 4:1, 5, 6).

3. მექერათელი; დავითის ერთ-ერთი ძლიერი მეომარი (1მტ. 11:26, 36).

4. [ამოთხრილი [ჭა]] — სავარაუდოდ იყო ქალაქიც და მხარეც იორდანის დასავლეთით. ქანაანის ქალაქ ხეფერის მეფე მათ შორის იყო, ვინც იესო ნავეს ძემ დაამარცხა (იეს. 12:7, 8, 17). სოლომონის დროს ხეფერის მხარესა და სოქოს ჰყავდა მეფის მიერ დაყენებული ზედამხედველი (1მფ. 4:7, 10). ძველი ხეფერის ზუსტი ადგილმდებარეობა უცნობია. ზოგს მიაჩნია, რომ მის ადგილას ახლა მდებარეობს თელ-ელ-იფშარი (თელ-ხეფერი), რომელიც თელ-ავივ-იაფოს ჩრდ. ჩრდ.-აღმ-ით დაახლოებით 40 კმ-შია.