ხუფიმი

ბენიამინის ვაჟი (ან შთამომავალი), რომელიც მოიხსენიება ძვ. წ. 1728 წელს იაკობის სახლეულობასთან ერთად ეგვიპტეში ჩასულებს შორის ან ჯერ კიდევ იაკობის სიცოცხლეში იქ დაიბადა (დბ. 46:8, 21). ბიბლიის სხვა მონაკვეთები იმაზე მიანიშნებს, რომ ის იყო ბენიამინის შვილიშვილი ან შვილთაშვილი ბელასა და ირის ხაზით (1მტ. 7:6, 7, 12; 8:1—5-ში მას, როგორც ჩანს, ხურამი ეწოდება). ნაკლებად სავარაუდოა, რომ ბენიამინს ეგვიპტეში ჩასვლის დროს შვილიშვილები ჰყავდა. შესაძლებელია, რომ დაბადების 46:8-ში იგულისხმება ყველა, ვინც იაკობის სიცოცხლეში დაიბადა (შესაძლოა, ეგვიპტეში ჩასვლის შემდეგაც), და არა მხოლოდ იაკობისა და მისი სახლეულობის ეგვიპტეში ჩასვლამდე დაბადებულები (იხ. ბენიამინი №1). ხუფიმისგან (ხუფამი) წარმოიშვა ხუფამელთა საგვარეულო, რომლებიც უდაბნოში ისრაელთა მეორე აღწერის დროს ბენიამინის ტომში აღირიცხნენ (რც. 26:1—4, 38, 39). ხუფიმის სახელი აგრეთვე გვხვდება 1 მატიანის 7:14, 15-ში, თუმცა უცნობია, რა კავშირი ჰქონდა იმავე მონაკვეთში მოხსენიებულ მენაშესთან.