იმერი

1. აარონის შთამომავალი, რომელიც დავითის დროს მომსახურე მღვდელთა მე-16 დანაყოფის მეთაურად დაინიშნა (1მტ. 24:1, 6, 14). როგორც ჩანს, ძვ. წ. 537 წელს მისი შთამომავლებიდან 1 052 კაცი ზერუბაბელთან ერთად ბაბილონიდან სამშობლოში დაბრუნდა (ეზრ. 2:37; ნემ. 7:40). ეზრას დროს „იმერის ძეთაგან“ ორი კაცი იყო იმ ხალხს შორის, რომლებმაც უცხოელი ცოლები გაუშვეს (ეზრ. 10:20, 44).

2. მეშილემითის (ან მეშილემოთი) მამა; შესაძლოა, არის იგივე №1 (1მტ. 9:12; ნემ. 11:13).

3. იერემიას მოწინააღმდეგის, მღვდელი ფაშხურის მამა; ფაშხურმა იერემიას ხუნდები დაადო. იერემიამ იწინასწარმეტყველა, რომ ფაშხურს თავის სახლეულობასთან ერთად ბაბილონში ტყვედ წაიყვანდნენ (იერ. 20:1, 2, 6). თუ ფრაზა „იმერის ძეში“ უბრალოდ შთამომავალი იგულისხმება და არა ვაჟი, შესაძლოა ის არის იგივე №1.

4. ცადოკის მამა; ცადოკი მონაწილეობდა იერუსალიმის გალავნის აღდგენაში (ნემ. 3:29). თუმცა ეს იმერი შეიძლება იყოს იგივე №1, თუ ფრაზაში „იმერის ვაჟი“ უბრალოდ შთამომავალი იგულისხმება.

5. სავარაუდოდ არის ადგილი ბაბილონის ტერიტორიაზე, საიდანაც ზოგიერთი მღვდელი დაბრუნდა სამშობლოში, თუმცა მათ ვერ შეძლეს თავიანთი წარმომავლობის დამტკიცება (ეზრ. 2:59; ნემ. 7:61).