იეჰოშება

[იეჰოვა ბარაქაა]

მღვდელმთავარ იეჰოიადას ცოლი; იუდას მეფე იეჰორამის ასული, თუმცა შესაძლოა არა ათალიასგან; მას აგრეთვე იეჰოშაბათი ერქვა (2მტ. 22:11). თავისი ძმის (ან ნახევარძმის), მეფე ახაზიას სიკვდილის შემდეგ იეჰოშებამ აიყვანა მისი მცირეწლოვანი ვაჟი იეჰოაში და გადამალა, რათა ათალიას სხვა უფლისწულებთან ერთად არ მოეკლა. იეჰოიადა და იეჰოშება ექვს წელს მალავდნენ ბავშვს ტაძარში თავიანთ საწოლ ოთახში, ვიდრე იეჰოიადამ ხალხის წინაშე მეფედ არ გამოაცხადა ის (2მფ. 11:1—3; 2მტ. 22:10—12). იეჰოშებამ და მისმა ქმარმა ღვთის ნებით გადაარჩინეს დავითიდან მესიამდე მიმყვანი სამეფო საგვარეულო ხაზი.