იერახმეელები

[იერახმეელისგან, იერახმეელის]

იუდას შთამომავლები, ხეცრონის ვაჟის, იერახმეელის ხაზით (1მტ. 2:4, 9, 25—27, 33, 42). იერახმეელები იუდას სამხრეთით ცხოვრობდნენ, სავარაუდოდ, იმავე რეგიონში, სადაც ამალეკელები, გეშურელები და გიზრელები, რომლებსაც დავითი ესხმოდა თავს, მაშინ როცა მეფე საულისგან დევნილი ფილისტიმელთა შორის ცხოვრობდა. თავდასხმების შემდეგ დავითი ფილისტიმელთა მეფე აქიშს უყვებოდა, რომ „იუდას სამხრეთით, იერახმეელთა სამხრეთითა და კენიელთა სამხრეთით“ თარეშობდა. მეფე აქიშმა დაასკვნა, რომ დავითი თანამემამულეებს არბევდა და მათ თავი შეაძულა, რის გამოც დავითი უფრო მეტად დააფასა (1სმ. 27:7—12). სინამდვილეში კი საქმე სხვაგვარად იყო. მოგვიანებით „იერახმეელთა ქალაქებში“ დავითმა იუდას უხუცესებს ნადავლი გაუნაწილა (1სმ. 30:26, 29).