იორამი

[იეჰორამის შემოკლებული ფორმა, რაც ნიშნავს იეჰოვა მაღალია].

1. ხამათის მეფე თოის ვაჟი; იორამი მამამისმა ოქროს, ვერცხლისა და სპილენძის ძვირფასი ძღვნით გაგზავნა დავით მეფესთან მისთვის ცობის მეფე ჰადადეზერის დამარცხების მისალოცად. დავითმა მიიღო ძღვენი და განწმინდა ის იეჰოვასთვის (2სმ. 8:5, 9—11). პარალელურ მუხლებში იორამი ჰადორამად არის მოხსენიებული (1მტ. 18:9—11).

2. მოსეს ვაჟის, ლევიანი ელიეზერის შთამომავალი; ის, სავარაუდოდ, დავითის მეფობის დროს ცხოვრობდა (1მტ. 26:24, 25; გმ. 18:2—4).

3. ისრაელის მეფე 12 წლის განმავლობაში; ახაბის ვაჟი; ჩვეულებრივ, ის სრული სახელით, იეჰორამით მოიხსენიება (2მფ. 3:1). ბიბლიის მასორული ტექსტის მხოლოდ სამ თავში გვხვდება მისი სახელის შემოკლებული ფორმა (2მფ. 8:16—29; 9:14—29; 2მტ. 22:5—7; იხ. იეჰორამი №2).

4. იუდას მეფე რვა წლის განმავლობაში; იეჰოშაფატის ვაჟი; ბიბლიის მასორულ ტექსტში მისი სახელი ზოგჯერ შემოკლებულია (2მფ. 8:21, 23, 24; 11:2; 1მტ. 3:11). შემოკლებული ფორმაა გამოყენებული უესტკოტისა და ჰორტის ბერძნულ ტექსტში, თუმცა რამდენიმე თარგმანი მისი სახელის სრულ ფორმას იყენებს (მთ. 1:8; აქ, Sawyer, TC, We; იხ. იეჰორამი №3).