იუსტუსი

[ლათ-დან, ნიშნავს სწორს, მართალს].

1. ბარსაბად წოდებული იოსების მეტსახელი. იუდა ისკარიოტელის ნაცვლად მოციქული რომ აერჩიათ, იუსტუსსა და მატთიას შორის ყარეს წილი. წილი მატთიას ერგო. მართალია, იუსტუსი მოციქულად არ აურჩევიათ, მაგრამ რადგან ერთ-ერთი იყო, ვინც შეიძლებოდა აერჩიათ, შეგვიძლია დავასკვნათ, რომ იგი იესოს ერთ-ერთი ძველი მოწაფე იყო (სქ. 1:23—26).

2. კორინთელი ღვთის თაყვანისმცემელი, რომლის სახლიც სინაგოგაზე იყო მიშენებული. იუდეველებისგან წინააღმდეგობის გამო პავლე სინაგოგიდან ტიციუს იუსტუსის სახლში წავიდა, ანუ იქ განაგრძო ქადაგება, ხოლო ცხოვრებით კვლავ აკვილასა და პრისკილასთან ცხოვრობდა (სქ. 18:1—7).

3. მოციქულ პავლეს იუდეველი თანამსახური. იუსტუსი, რომელსაც იესოც ერქვა, ერთ-ერთი იყო მათ შორის, ვინც რომში პირველი პატიმრობისას ამხნევებდა პავლეს. პავლემ მისგან მოკითხვა გადასცა კოლოსელ ქრისტიანებს (კლ. 4:10, 11).