კვირტი

კარვის ოქროს სალამპრის დეკორატიული ელემენტი; ებრაული სიტყვა ქაფთორ, სავარაუდოდ, ამობურცული ფორმის საგანზე მიუთითებს (გმ. 25:31—36; 37:17—22). სალამპრის ღეროსა და ექვს რტოზე ეს „კვირტები“ და ყვავილები ერთმანეთის მონაცვლეობით იყო განლაგებული. როგორც ჩანს, ზოგიერთი კვირტი სალამპრის რტოების სამაგრის ფუნქციას ასრულებდა. სალამპრის კვირტები კარგად ჩანს ტიტუსის ტრიუმფალური თაღის (რომი) რელიეფზე. მასზე გამოსახული არიან რომაელი ჯარისკაცები, რომლებიც ახ. წ. 70 წელს განადგურებული იერუსალიმის ტაძრიდან წამოღებულ ნადავლს ეზიდებიან.