ლახმი

[ჩემი პური]

გათელი გოლიათის ძმა. 1 მატიანის 20:5-ში წერია, რომ ფილისტიმელებთან ბრძოლაში „ელხანანმა, იაირის ვაჟმა, მოკლა ლახმი, გათელი გოლიათის ძმა“. თუმცა პარალელურ მუხლში, კერძოდ, 2 სამუელის 21:19-ში ვკითხულობთ, რომ „ბეთლემელი იაარე-ორეგიმის ვაჟმა, ელხანანმა მოკლა გათელი გოლიათი“. ამ მუხლში, როგორც ჩანს, გადამწერებმა ʼეთ-ლახმი (სიტყვა ʼეთ იმაზე მიუთითებს, რომ ლახმი არის ობიექტი, ვის მიმართაც მოქმედებაა მიმართული) შეცდომით წაიკითხეს ბეთ ჰალლახმად (ბეთლემელი). აქედან გამომდინარე, ტექსტის ორიგინალში ის ეწერა, რაც მის პარალელურ მუხლში, კერძოდ, 1 მატიანის 20:5-ში: „მოკლა ლახმი“. ამ შემთხვევაში ეს ორი პარალელური მუხლი წინააღმდეგობრივად აღარ ჩაითვლება. მაშასადამე, ლახმი იმ გოლიათის ძმა იქნებოდა, რომელიც დავითმა მოკლა. თუმცა, არც ის არის გამორიცხული, გოლიათი ორი ყოფილიყო (იხ. გოლიათი).