ლებ-კამაი

[ჩემ წინააღმდეგ აღმდგართა გული]

როგორც ჩანს, ეს ქალდეის ანუ ქასდიმის კრიპტოგრამა ანუ დაშიფრული სახელია. მას მხოლოდ იერემიას 51:1-ში ვხვდებით, სადაც იეჰოვა აცხადებს, თუ რას მოიმოქმედებს ბაბილონისა და ქალდეის მცხოვრებთა წინააღმდეგ. ეს სახელი მიღებულია ათბაშის სისტემის საფუძველზე, რომლის მიხედვითაც ებრაული ანბანის პირველი ასო (ʼალეფ) ბოლოთი (თავ) იცვლება, მეორე (ბეთ) — ბოლოს წინათი (შინ) და ა. შ. აქედან გამომდინარე, იერემიას 51:1-ში ქალდეის ებრაული სახელწოდება ქასდიმ დაშიფრულია და გადმოცემულია ებრაული სიტყვით ლევ კამაი (ლებ-კამაი). „ლებ-კამაის“ ადგილას სეპტუაგინტაში წერია „ქალდეველები“, ხოლო თარგუმში — „ქალდეველთა მიწა“.