მათითია

[იეჰოვას ძღვენი].

1. ლევიანი, რომელიც ქნარზე უკრავდა შეთანხმების კიდობნის ობედ-ედომის სახლიდან იერუსალიმში გადატანის დროს (1მტ. 15:17—21, 25). სავარაუდოდ, მათითია ის ლევიანი მუსიკოსი იყო, რომელიც დავითმა შეთანხმების კიდობნის წინ „იეჰოვას, ისრაელის ღვთის საქმეების შესახსენებლად, მის სამადლობლად და სადიდებლად“ დააყენა (1მტ. 16:4, 5). ის იყო იედუთუნის ვაჟებიდან ერთ-ერთი, რომელიც მოგვიანებით წილისყრით აირჩიეს ლევიან მუსიკოსთა მე-14 დანაყოფის 12-კაციანი ჯგუფის თავკაცად (1მტ. 25:1, 3, 9, 21).

2. კეჰათელი ლევიანი, კორახელი შალუმის პირმშო. იგი იყო ბაბილონის ტყვეობიდან დაბრუნებულ ლევიანებს შორის და „ებარა ყველაფერი, რაც ტაფებზე ცხვებოდა“ (1მტ. 9:31, 32).

3. ლევიანი ან მღვდელი, რომელიც მარჯვნივ ედგა გადამწერ ეზრას, როცა ეს უკანასკნელი იერუსალიმში შეკრებილ ხალხს მოსეს კანონს უკითხავდა (ნემ. 8:1, 4).

4. ერთ-ერთი ებრაელი ნებოს ძეთაგან, რომელმაც ეზრას დროს უცხოელი ცოლი ვაჟებთან ერთად გაუშვა (ეზრ. 10:25, 43, 44).