ნახშონი

[ნაწარმოებია ფუძიდან, რომელიც ნიშნავს გველს]

უდაბნოში იუდას ტომის თავკაცი; ის იყო ამინადაბის ვაჟი. ბიბლიის თანახმად, ის იუდადან მეხუთე თაობას მიეკუთვნებოდა (1მტ. 2:3—10). აარონს მისი და ჰყავდა ცოლად (გმ. 6:23). როგორც სალმონის (რახაბის ქმარი) მამა და ბოაზის (რუთის ქმარი) პაპა, ნახშონი დავითისა და იესოს გენეალოგიურ ხაზში ერთ-ერთ რგოლს წარმოადგენდა (1მტ. 2:11—15; რთ. 4:20; მთ. 1:4—6, 16; ლკ. 3:32).

ნახშონი, როგორც ისრაელის წამყვანი ტომის, იუდას თავკაცი, მოსეს ეხმარებოდა, როცა უდაბნოში მეომრების პირველი აღრიცხვა ჩატარდა. სამსხვერპლოს მიძღვნის დროს მან შესაწირავი მიიტანა კარავში შესასრულებელი მსახურებისთვის. ის აგრეთვე სათავეში ედგა იუდას 74 600-კაციან ლაშქარს, რომელიც ისრაელის რაზმებს უძღოდა წინ (რც. 1:2—7; 2:3, 4; 7:2, 11—17; 10:14).