სალმონი

იუდას თავკაცი ნახშონის ვაჟი, რომელიც, როგორც ჩანს, უდაბნოში 40-წლიანი ხეტიალის დროს დაიბადა. სალმონმა ცოლად შეირთო იერიხონელი რახაბი და მასთან ბოაზი შეეძინა. ამგვარად, ის ერთ-ერთი რგოლია დავითსა და იესომდე მიმყვან გენეალოგიურ ხაზში (რც. 2:3; რთ. 4:20—22; მთ. 1:4, 5; ლკ. 3:32). 1 მატიანის 2:11-ში მას სალმა ეწოდება. ის რამის შთამომავალია და მისი შთამომავლები ბეთლემში ცხოვრობდნენ. ის არ უნდა აგვერიოს 1 მატიანის 2:51, 54-ში მოხსენიებულ სალმაში, რომელიც ბეთლემის მამა ანუ მისი ამშენებელი იყო, რადგან ის რამის ძმის, ქალების (ქელუბაი) შთამომავალი იყო (შდრ. 1მტ. 2:51, 54, 9, 18).