წარმართული ღვთაებები
ისრაელისთვის მიცემული იეჰოვას კანონი კრძალავდა თაყვანსაცემად გამოსახულებების გაკეთებას. ჭეშმარიტი ღმერთი სულია და მისი გამოსახულების შექმნა დიდი დანაშაულია. რაც შეეხება ძველ ხალხთა ღვთაებებს, დღეს მათი მრავალი გამოსახულებაა აღმოჩენილი. ადამიანის ხელით შექმნილი ღმერთები სხვა არაფერია, თუ არა ხე და ქვა (კნ. 4:28). ბიბლია ამბობს, რომ ისინი „არაფრის მაქნისი ღმერთებია“, რომლებსაც თვალები აქვთ და ვერ ხედავენ, ყურები აქვთ და არ ესმით თავიანთი მსახურების (1მტ. 16:26; ფს. 115:4—8). წარმართული ღვთაებები დღესდღეობით მხოლოდ სამუზეუმო ექსპონატებია. და მაინც, ისინი ბევრ რამეს გვაუწყებენ თანამედროვე რელიგიური შეხედულებების წარმოშობაზე.
[სურათი]
ღვთაებრივი ტრიადები დასაბამს ბაბილონიდან იღებს. ამ ქვის ფილაზე გამოსახულია ბაბილონის მზის ღვთაება შამაშის ტაძარი და მისი ტრიადის სიმბოლოები: მთვარე (ღვთაება სინი), მზე (ღვთაება შამაში) და ვარსკვლავი (ღვთაება იშთარი)
[სურათი]
ასურელთა მთავარი ღვთაება აშური ამ უძველეს ბეჭედზე სამი თავით არის გამოსახული (ფრთების ზემოთ)
[სურათი]
ეგვიპტელთა ტრიადები. ზემოთ: ჰოროსი, ოსირისი და ისიდა. მარჯვნივ: ისიდა, ჰოროსი და ნეფთისი
[სურათი]
ქრისტიანულ სამყაროში ღვთისმშობლისა და ყრმის გამოსახულება ძალიან ჰგავს ეგვიპტელთა სათაყვანებელ დედისა და ყრმის (ისიდა და ჰოროსი) გამოსახულებას
[სურათი]
ქრისტიანობამდე დიდი ხნით ადრე ეგვიპტურ ჯვარს, კრუქს ანსატას, წმინდად მიიჩნევდნენ
[სურათი]
ძველი ხალხების კულტში გველი ფიგურირებს. ეგვიპტური მხატვრობა (მარცხნივ): მარცხენა კიდეში მდგომ ღმერთს ხელში ორი ერთმანეთზე გადაჭდობილი გველი უჭირავს. ცენტრში გამოსახულია დიდი გველი, მარჯვნივ — გველისთავიანი ქალღმერთი. გველი ბერძნული ასკლეპიოსის ქანდაკების ნაწილია (მარცხნივ). ბიბლიის თანახმად სატანამ გველის პირით ილაპარაკა (დბ. 3:1—15; გმც. 12:9).
[სურათი]
ათმა სასჯელმა ეგვიპტელთა ღმერთების უძლურება დაამტკიცა. პირველმა სასჯელმა, კერძოდ, ნილოსის სისხლად გადაქცევამ, შეურაცხყო ნილოსის ღვთაება ჰაპი (ზემოთ მარცხნივ). ქალღმერთი ჰეკეტი, რომლის წმინდა ცხოველად ბაყაყი მიიჩნეოდა (ზემოთ ცენტრში), ვერ დაეხმარა ეგვიპტელებს მეორე სასჯელის დროს, როცა ქვეყანას ბაყაყები შემოესია. ყველაზე მძიმე სასჯელი ეგვიპტელთათვის პირმშოების სიკვდილი იყო, რადგან ფარაონის ვაჟი ვერძის სახით წარმოდგენილ (ზემოთ მარჯვნივ) ამონ-რას ძედ ითვლებოდა