ონანი

[ნაწარმოებია ფუძიდან, რომელიც ნიშნავს წარმომქმნელ ძალას, ძლიერებას]

იუდას მეორე ვაჟი ქანაანელი შუას ასულისგან (დბ. 38:2—4; 1მტ. 2:3); მას შემდეგ, რაც ონანის უფროსი ძმა, უშვილო ერი იეჰოვამ ბოროტებისთვის მოკლა, იუდამ ონანს უთხრა, რომ მაზლის ვალდებულება შეესრულებინა და დაქვრივებული თამარი ცოლად მოეყვანა. თუ მათ შვილი ეყოლებოდათ, მისგან არ წამოვიდოდა ონანის საგვარეულო და პირმშოს მემკვიდრეობა გადავიდოდა მასზე, როგორც ერის მემკვიდრეზე. მაგრამ, თუ მემკვიდრე არ იქნებოდა, თავად ონანს დარჩებოდა მემკვიდრეობა. თამართან სქესობრივი ურთიერთობისას ონანი „თესლს მიწაზე ღვრიდა“. ონანის მხრიდან ეს მასტურბაცია არ ყოფილა, რადგან ბიბლიაში წერია: „როცა წვებოდა ხოლმე თავისი ძმის ცოლთან“, თესლს მიწაზე ღვრიდა. როგორც ჩანს, ეს იყო „შეწყვეტილი სქესობრივი აქტი“, რომლის დროსაც ონანი განზრახ არ ახდენდა ეაკულაციას თამარის საშოში. მამის დაუმორჩილებლობისთვის, სიხარბისა და ღვთიური ღონისძიების, ქორწინების შეურაცხყოფისთვის, და არა მასტურბაციისთვის, იეჰოვამ ონანი უშვილოდ მოკლა (დბ. 38:6—10; 46:12; რც. 26:19).